Apple şirkəti yenə də Avropa Birliyinin gündəmindədir. Belə ki, Avropa Birliyi Apple şirkətinin MFi kabelləri ilə heç cür razılaşmaq istəmir. Ötən il Avropa birliyi elektron cihazlar ilə bağlı vacib qərar qəbul etmişdi. Yeni qərara görə texnologiya şirkətləri Avropada satılacaq elektron cihazları USB Type-C konnektrou ilə təchiz etməli idi. Hətta bu qərara görə istehsalçı şirkətlərə 28 dekabr 2024-cü ilə qədər vaxt verilmişdi. Avropa Birliyinin bu qərarından sonra isə Apple yeni strategiya hazırlamağa başladı. Artıq bu il təqdim olunması gözlənilən iPhone 15 seriyasının Lightning girişi ilə deyil USB Type-C ilə təchiz edilməsi gözlənilir. Apple şirkətinin strategiyasında görə şirkət öz brendinə məxsus olmayan kabelləri məhdudlaşdıracaqdı. Lakin Avropa Birliyi Apple şirkətinə dəfələrlə bu barədə xəbərdarlıq edib.
Bu xəbərdarlıqlardan sonuncusu məhz mart ayında edilmişdi. Qeyd edək ki, insayderlər iddia edir ki, Apple “Made for iPhone” yəni MFi proqramı çərçivəsində yeni nəsil cihazlarına kabellər istehsal etmək niyyətindədir. Yəni digər brendlərin və ya original olmayan kabellər iPhone cihazlarında effektiv olmaya bilər. Həmin kabellər iPhone cihazlarında məhdudlaşdırılacaq. Avropa Birliyi isə Apple şirkətinin MFi kabeli xəyalını puç etmək niyyətindədir. Hətta Avropa Birliyi Apple cihazlarının satılmasının qarşısını da ala bilər.
Hələlik isə Apple şirkətin 2024-cü ilə qədər vaxtı var. Yəni Avropada yeni nəsil Apple cihazları hələlik eyni qaydada satılacaq. Lakin Avropa Birliyi ərazisində Apple şirkəti MFi kabelləri ilə bazara daxil olarsa, müxtəlif sanksiyalara məruz qala bilər. Sonuncu dəfə Avropa Birliyinin elçisi olan Thierry Breton Apple şirkətinə yazılı xəbərdarlıq belə göndərib. İndi yalnız Apple şirkətinin “dəlilik” edib etməyəcəyi maraqlıdır.
