Bu il Portuqaliyanın Lissabon şəhərində yenidən WebSummit tədbiri baş tutub. Qeyd edək ki, bu ilki tədbirdə 70 mindən çox izləyici iştirak edib. O cümlədən bu tədbirdə WebSummit tarixinin yeni rekordu qırararaq 2600 startap nümayiş etdiriləcək. Bu startapların demək olar ki, üçdə biri Trinidad və Tobaqo, Lixtenşteyn, Peru və Qana da daxil olmaqla 85-dən çox ölkədən olan qadınlar tərəfindən təsis edilib. Biz də Tedroid Media olaraq milyonlarla izləyici tərəfindən hər il maraqla gözlənilən və minlərə startapın nümayiş edildiyi bu tədbirdə iştirak edirik.
Ümumiyyətlə WebSummit tədbiri 2009-cu ildən bəri hər il keçirilir. Qeyd edək ki, tədbir ilk dəfə baş tutarkən 150 nəfərdən ibarət konfrans ilə nəticələnib. İndi isə WebSummit hər il fərqli ölkələrdə və şəhərlərdə keçirilir. İndiyə qədər məşhur tədbirdə 908 mindən çox ziyarətçi iştirak edib və 32 mindən çox startap nümayiş olunub. Qeyd edək ki, tədbirdə startaplardan əlavə olaraq spikerlərdə çıxış edir. Hətta bu spikerlər texnologiya və digər sahələrdə müxtəlif təcrübələrə sahibdir.
Bu il Lissabon şəhərində keçirilən WebSummit tədbirində İnnovasiya və Rəqəmsal inkişaf agentliyi və Paşa Holdingin dəstəyi ilə Azərbaycan startaplarının sərgiləndiyi pavilyon da qurulub. Belə ki, E-point, Beep kimi startaplar 500Globay Demo Day-də çıxış ediblər. Ümumiyyətlə belə beynəlxalq tədbirlərdə Azərbaycan startaplarının sərgilənməsi sevindirici haldır. Qeyd edilən startaplar daha əvvəl də bir çox akselerasiyalarda iştirak edərək beynəlxalq səviyyədə tanınıb.
