Azərbaycan startapları qlobal miqyasda hər keçən gün daha da məşhurlaşır. Belə ki, bu dəfə azərbaycanlı Bəyazid Məlikovun təsisçilərindən biri olduğu Tailbox startapı 1.5 milyon dollaq investisiya əldə edib. Startapın ideyası isə tamamilə fərqli və maraqlıdır. MIT mərkəzində qurulan startap süni intellekt ilə dünyanı kəşf etməyinizə imkan verir. Bəyazid Məlikov və Eduardo Schuch tərəfindən təsis edilən bu startap insanların ən çox problemlə qarşılaşdığı mövzulardan birinə süni intellekt ilə həll tapıb. Beləliklə Tailbox ilə səyahətinizi süni intellekt vasitəsi ilə planlaşdıra biləcəksiniz.
Bəyazid Məlikov bildirir ki, ” Biz sadəcə proqram və ya səyahət planı yaratmırıq, biz biz səyahətin mahiyyətini yenidən müəyyənləşdirəcək immersiv təcrübələr hazırlayırıq”. Bildiyimiz kimi, bu gün insanlar səyahətə ciddi məbləğlərdə pul xərcləyir. Lakin bəzən bu qədər vəsait qarşılığına səyahətləri çox maraqsız olur. Fərqli marşrutlar, məlumat resurslarının mürəkkəbliyi səyahətçiləri təəccübləndirir. Lakin Tailbox səyahət təcrübəsini optimallaşdırmaqla fərqlənir. Süni intellektlə dəstəklənən bələdçi səyahətləri qeyri-adi səyahətlərə çevirməyə kömək edir. Tətbiq, daha az tanınan yerləri üzə çıxarmaqla, kəşf etməyi sevən səyahətçiləri ziyarət etdikləri yerləri daha dərindən araşdırmağı, hər bir səyahət təcrübəsini zənginləşdirməyi hədəfləyir. Yəni, qısaca istəklərinizə bağlı olaraq yeməyi ilə məşhur, görməli binaları ilə məşhur, ziyarət edilməli muzeyləri, restoranları və.s süni intellekt ilə analiz edərək daha az tanınsa belə sizlərə maraqlı ola biləcəyindən təklif edir.
Onu da qeyd edək ki, Link Ventures tərəfindən toxum investisiyasının məbləği hal-hazırda 1.5 milyon dollardır. Startap, aldığı investisiya ilə platformanın inkişafına yönələcək. Tailbox startapı sizin səyaətinizin harada, nə vaxt olmasından çox sizin kim olduğunuzu və nə istədiyiniz ilə maraqlanır. Buna uyğun olaraq da süni intellekt sizə uyğun səyahət planı qurur. Yaxın gələcəkdə isə platforma daha innovativ yeniliklər ilə səyahətlərimizi zənginləşdirəcək.
