Bildiyiniz kimi, ötən həftə baş tutan Startup Grind tədbirimiz sahibkar, bir neçə startapın həmtəsisçisi, investor Dr. Rahul D’Mello ilə oldu. Dr. Rahul D’Mello, öz uğurunun sirlərindən bəhs etdi. Təkcə onun necə uğur qazandığını deyil, həm də onun fikrinə əsasən, ideyaların harada doğula biləcəyini öyrənmək fürsətimiz oldu. O, bizə özünün uğur hekayəsindən əlavə bu ekosistemdə nələrin edilməli olduğundan danışdı.
İndi isə növbəti həftə olacaq tədbirimizə barədə danışmaq vaxtıdır. Məhsul sahibliyi, məhsullarınızı və xidmətlərinizi satmaq, idarə etmək və inkişaf etdirmək üçün əsas rol oynayan bir konseptdir. İdeal məhsul sahibi, müştərilərinin tələblərini anlamalı, məhsullarını və xidmətlərini doğru bir şəkildə göstərməli və həmişə inkişaf etməlidir. Bu, müştəri məmnuniyyətini və məhsulunuzun/xidmətinizin qiymətini artırmaq üçün mühüm bir faktordur. Sizdə məhsul yaradılışı prosesinin necə olduğunu öyənmək istəyirsinizsə növbəti tədbirimizə qeydiyyatdan keçməyə tələsin. Növbəti tədbirimizin qonaqları Elnarə Teymurova və Səbinə Əliyeva, MBA olacaqlar.
Onların hər ikisi də Paşa Bankda Məhsul Sahibi olaraq çalışırlar və öz təcrübələrini bizimlə bölüşəcəklər. 8 fevral 13:00-da keçiriləcək növbəti tədbirimizdə Elnarə Teymurova və Səbinə Əliyevanın nitqindən “Məhsul sahibliyi” təcrübələrini birbaşa eşidəcəksiniz.
Sonda qeyd edək ki, 12 fevral saat 15:00 etibarilə də Azər Nemanlı və Nərminə Ağayeva ilə sabah.lab-da görüşümüz baş tutacaq. “Startup Grind” ilə bizə qoşulmaq və tədbirdə iştirak etmək üçün aşağıdakı qeydiyyat linkinə daxil ola bilərsiniz. Növbəti tədbirlərimiz barədə hamıdan əvvəl məlumat sahibi olmaq üçün Instagram üzərindən bizi izləməyi unutmayın.
