ABB Innovation mərkəzinin 2-ci inkubasiya proqramında və Lotfi Zadeh Technology Center-də akselerasiya proqramında iştirak edən Reluxe Collection investisiya alıb. Belə ki, Azərbaycanda lüks brendlərə məxsus geyim və aksesuarların alış-satış platforması “Reluxe Collection” 60 min dollar (102 min manat) sərmayə alıb. Hal-hazırda platformanın 12 mindən çox istifadəçisi mövcuddur. Həmçinin platforma Nazilə Heydərova və Abbas Ağa tərəfindən təsis olunub.
Ümumiyyətlə Reluxe Collection startapı insanlara ikinci əl və yeni geyimlərin alış-verişini etmək, trendi kəşf etmək kimi imkanlar verir. Qiymət yüksəkliyinə görə əlçatmaz görünən lüks brend geyim və aksesuarları hər kəs üçün əl çatan edir. Startapın bazarda olan digər elan platformalarından fərqi məxfilik sistemi, paketləmə və çatdırılma kimi üstünlükləridir. Belə ki, alıcı və satıcıların məxfiliyi tam qorunduğundan və məlumatları gizli saxlanıldığından insanlar rahatlıqla və çəkinmədən bu platformadan alış-veriş edirlər. Startapın məqsədi isə xanımların daha lüks brendləri uyğun qiymətə əldə etmələri və istifadə etmədikləri geyim və aksesuarları sataraq ondan pul qazanmalarını təmin etməkdir.
Reluxe Collection yaydığı məlumatda“Böyük sevinc hissi ilə bildirmək istərdik ki, startapımız “Reluxe Collection“, “AGA Group” və “Lotfi Zadeh Technology Center”dən 60 min dollar investisiya almışdır. Bizə inanan və güvənən, həm təcrübəsi, həm də dəstəyi ilə bizə yol göstərən Qafar Dəmirçi və İmran Bağırov başda olmaqla, 2 illik yolumuzda əməyi keçən hər kəsə komandamız adından təşəkkür edirik!” deyə qeyd edib.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
