Java proqramlaşdırma dili ilə çox maraqlananlar və gələcəkdə java developer olmaq istəyənlər üçün olduqca maraqlı Startup Grind tədbirimiz baş tutub. İnnovasiya və Rəqəmsal İnkişaf Agentliyinin Senior Java Developeri Ülfət Baxışov bizim tədbirimizin qonağı olub və Javanın gələcəyi: Trendlər və yeniliklər mövzusunda çıxış edib.
Ülfət Baxışov Java dünyasında olan trendləri və yenilikləri izləyir və Java proqramçıları üçün bu mövzuların önəmini və ən son inkişafını açıqlayıb. Onun Veb və Müəssisə proqramlarında güclü təcrübə ilə İT sənayesində 9 ildən çox təcrübəsi var.
Proqramlaşdırma təcrübəsi əsasən Java ilə, xüsusən də Veb və Müəssisə proqramlarının backend tərəfinin inkişafı ilə bağlıdır. Ancaq onun front-end və masaüstü proqramların hazırlanması və digər proqramlaşdırma dilləri, yəni JS və Delphi ilə də təcrübəsi var.
Həmçinin Spring framework (Boot, Web, Security, Data, Cloud), Hibernate, J2EE, REST və SOAP xidmətləri, JAX-RS, JAX-WS kimi müxtəlif Veb texnologiyaları və çərçivələri ilə təcrübəyə sahibdir.
Eyni zamanda SQL və Verilənlər Bazası konsepsiyaları, Alqoritmlər və Məlumat Strukturları, Message Brokers, Docker kimi konteyner sistemləri və EC2 Container Service kimi konteyner orkestrasiyası sahəsində biliklərə malikdir. Ulfet Baxışov son 3 ildə Microservice Architecture ilə işləyir. Agile metodologiyası işlədiyi son üç şirkətdə tətbiq olunub və nlardan ikisində komanda rəhbəri vəzifəsində çıxış edib. O həm tez öyrənən və layihədəki texniki problemlərin həllində bacarıqlı olan, həm də kək və ya komanda ilə işləyə bilən Java Developeridir.
