Beləliklə, ABB Innovation tərəfindən təşkil edilən Green Fintech Startup Challenge üçün qeydiyyat davam edir. Qeyd edək ki, müsabiqənin əsas şərtlərinə aşağıdakılar aiddir:
- Verilmiş kreditlərin ətraf mühitə təsirini ölçən kredit qiymətləndirilməsi aləti;
- Blokçeyn əsaslı dayanıqlı və şəffaf təchizat zəncirinin qurulması platforması;
- Elektron ticarətdə karbon ayaq izi kalkulyatoru;
- Süni intelekt əsaslı ESG məlumatları üçün maliyyə əməliyyatlarını təhlil edən və bizneslər üçün fərdi tövsiyələr verən hesabat aləti.
Müraciətçilər bu istiqamətlərlə yanaşı “Greentech” sahələrini əhatə edən digər innovativ həlləri ilə də müsabiqəyə qatıla bilərlər. Bundan əlavə müsabiqə sizə 10 000 AZN dəyərində mükafat fondu təklif edir. Müvafiq olaraq 1-ci yer 5000 AZN, 2-ci yer 3000 AZN, 3-cü yer isə 2000 AZN dəyərində mükafat əldə edəcək.
Rəqəmsal innovasiya konsepsiyasına və pre-inkubasiya hədəflərinə uyğun gələn ən yaxşı layihələr ABB İnnovasiya Mərkəzinin İnkubasiya proqramına qəbul olunacaq. Həmçinin startaplar davamlı mentor dəstəyi və peşəkar sahə ekspertləri ilə netvorkinq imkanı əldə edəcəklər.
Növbəti mərhələyə keçən komandalar noyabr ayında Bakıda keçiriləcək dünyanın ən böyük iqlim dəyişikliyi tədbiri COP29-da ideyalarını təqdim edib, investorlara çıxış imkanı qazanacaqlar.
“Green Fintech Startup Challenge”-la bağlı ətraflı məlumat və qeydiyyat üçün: https://abbinnovation.az/az/hackathon
Son qeydiyyat tarixi: 27 May 2024
