Qabaqcıl IT təhsil mərkəzi olan “Tech Academy”nin təşkilatçılığı ilə “Google Aİ Hakaton”u uğurla həyata keçirildi. “İnnovasiyalar və Rəqəmsal İnkişaf Agentliyi”-nin ev sahibliyi etdiyi Hakaton “Bakcell”-in rəsmi sponsorluğu ilə baş tutub.
İki gün ərzində davam edən hakatonda, 21 komanda olmaqla 83 iştirakçı “Google Gemini” platforması ilə innovativ layihələr üzərində işləyib. Hər bir komanda öz yaratdığı həlləri nümayiş etdirərək texnologiya sahəsindəki yenilikləri və yaratdıqları layihələri təqdim ediblər.
Münsiflər Heyəti və Mentorluk Dəstəyi
Hakaton zamanı komandalara 2-si “Google” əməkdaşı olmaqla ümumilikdə 11 mentor dəstək oldu. Bu peşəkarlar, iştirakçıların layihələrini inkişaf etdirmək və ən yaxşı nəticələrə nail olmaq üçün vacib tövsiyələr verdilər. 5 nəfərdən ibarət münsiflər heyəti komandaların layihələrini qiymətləndirərək qalibləri müəyyən edib.
Qaliblər və Mükafatlar
Hakatonun qalibi “Codage” komandası olub və onlar birinci yerə layiq görülərək 3000 AZN mükafat qazandılar. İkinci yerə layiq görülən Josua Verse komandaya 2000 AZN, üçüncü yerə layiq görülən Libra və Spark komandalarına isə 1000 AZN mükafat təqdim edildi. Mükafatlar, yaradıcı və innovativ layihələrin inkişafına töhfə vermək və gənc texnologiya mütəxəssislərini dəstəkləmək məqsədi daşıyırdı.
Tədbirin Əhəmiyyəti
“Google AI Hakaton” tədbiri iştirakçılara yeni bacarıqlar qazanmaq, digər mütəxəssislərlə şəbəkələşmək və gələcəkdə daha böyük layihələrdə iştirak etmək üçün unikal bir fürsət yaratdı. Hakatonun məqsədi, Azərbaycanda rəqəmsal texnologiyaların inkişafına dəstək olmaq və yenilikçi həllər yaratmaqdır.
Ətraflı Məlumat
Tech Academy ilə bağlı ətraflı məlumat və gələcək tədbirlər haqqında məlumat üçün linkdən keçid edə bilərsiniz.
