Bildiyimiz kimi, gecə saatlarında Apple şirkəti ilin ən çox gözlənilən tədbirlərindən biri olan WWDC 2024 tədbirində bizlərə bir çox yenilik elan edib. Bu yeniliklər arasında isə ilk öncə iOS 18, Apple Intelligence, MacOS 18, iPadOS 18, VisionOS 2 kimi sistemlər yer alır. iOS 18 bizlərə hansı yenilikləri təqdim edəcək?
Ümumi olaraq qeyd edək ki, iOS 18 sistemi bizlərə aşağıdakı yenilikləri təqdim edəcək:
- Əsas ekranın fərdiləşdirilməsi
- Kilid ekranında nişanların dəyişdirilməsi
- İdarəetmə Mərkəzinin fərdiləşdirilməsi
- Proqramları kilidlənməsi
- Proqlamların gizlədilməsi
- Peyk bağlantısı ilə mesajlaşma
- Şəkillər proqramı üçün yeni interfeys
Beləliklə, Apple şirkəti bildirib ki, iOS 18 əsas ekranda və kilid ekranında fərdiləşdirmə gətirir. Ən son iOS versiyası daha çox fərdiləşdirməyə imkan verən əsas ekran və görünüş üçün daha çox seçim təklif edir. Bu yeniləməyə qədər iPhone tətbiq nişanlarını müəyyən ardıcıllıqla yerləşdirməyə icazə verirdi. İndi isə tətbiq nişanları arasında boş yerlər, sətirlər və sütunlar yaratmaq üçün seçim əlavə edilib. Yeri gəlmişkən, tətbiq nişanlarının rənglərini də dəyişə bilərsiniz. Belə ki, bu rəngləri arxa planınızla avtomatik olaraq uyğun edə və ya istəkdən asılı olaraq istənilən rəngdən istifadə edə bilərsiniz.
iPhone istifadəçilərinin illərdir gözlədiyi məxfilik və təhlükəsizlik xüsusiyyəti iOS 18 ilə gəldi. Yeniləmə ilə siz proqramların, xüsusən də şəkil və mesajların açılması üçün parol təyin edə bilərsiniz. Tətbiqlərin kilidlənməsi indiyədək müəyyən tətbiqlərlə məhdudlaşdırılmışdı. İndi isə bizlərə tətbiq kilidləmə ilə yanaşı tətbiqləri gizləmək imkanı da təklif olunur. Apple, iOS 18, İdarəetmə Mərkəzinə fərdiləşdirilə bilən tərtibat da gətirir. Nəzarətləri indi sürüklə və burax metodu ilə yenidən təşkil etmək mümkündür.
Apple Intelligence nədir?
Apple WWDC 2024 çərçivəsində ekosistemi əhatə edən məhsuldar süni intellektə doğru nəhəng bir addım atıb. Texnologiya nəhəngi Apple Intelligence-i təqdim edib. Apple son illərdə süni intellekt əvəzinə “maşın öyrənməsi” terminindən istifadə etsə də, WWDC 2024 ilə hər şey dəyişir. Texnologiya nəhəngi indi sistem miqyasında məhsuldar süni intellektə doğru nəhəng bir addım atır. Bu addımın adı isə Apple Intelligence-dir. Apple Intelligence ilə birlikdə şirkət onunla digər texnologiya nəhəngləri arasındakı fərqi aradan qaldıracaq. Beləliklə, Apple Intelligence nədir? və bizi nə gözləyir?
Tədbirdə ilk öncə Apple CEO-su Tim Cook bildirib ki, “Bütün bunlar süni intellektin hüdudlarından kənara çıxır”. Apple Intelligence tətbiqlərdə sizin üçün bəzi işlər görəcək. Beləliklə, digərlərindən fərqli olaraq, Apple-ın süni intellekti daim sizdən nəsə etmək üçün təklif gözləməyəcək. Buna görə də, Apple Intelligence sizin üçün nəsə yaza və ya poçt və digər proqramlarda mətnləri ümumiləşdirə biləcək. Apple həmçinin deyir ki, Apple Intelligence bir tətbiqdən başqa bir proqramda hərəkəti yerinə yetirməsini tələb edə biləcək. Məsələn, həyat yoldaşınızın sizə göndərdiyi podcastı oynatmağı tələb etmək kimi işləri yerinə yetirə bilər. Apple Intelligence şirkətin tətbiqlərinin əksəriyyətinə inteqrasiya olunacaq. Mesaj yazmağa kömək etmək və ya cavab vermək üçün Ağıllı Cavablardan istifadə etmək kimi funksionallıq Mail daxilində də tətbiq edilir. Qeyd edək ki, bütün bu qeyd etdiyimiz AI funksiyaları hələlik yalnız ingilis dilində fəaliyyət göstərir.
Ümumiyyətləi bütün bunların Google-un bir müddətdir Gmail-də təqdim etdiyi süni intellekt xüsusiyyətlərini xatırlatdığını söyləyə bilərik. Bununla birlikdə, Genmoji adlı çox açıq bir xüsusiyyət də təqdim edilib. Genmoji sayəsində istədiyiniz emojini tapa bilmədiyiniz zaman süni intellektin sizin üçün emoji hazırlamasını təmin edə biləcəksiniz. Eynilə, Genmoji ilə yanaşı, Image Playground adlı yeni bir şəkil yaratma xüsusiyyəti iOS 18-ə gəlir. Image Playground bəzi daxili proqramlarda işləyəcək, lakin onun ayrıca proqramı da olacaq. Tərtibatçılara Image Playgroundüçün üçün API-yə daxil olmağa icazə veriləcək. Apple həmçinin Photos tətbiqinə süni intellekt gətirir. Photos-da artıq bir növ süni intellekt axtarış funksiyaları var. Bununla belə, Apple Intelligence ilə gələcək süni intellekt xüsusiyyətləri sayəsində artıq “salto edən adam” kimi açar sözlər ilə fotoşəkillər arasında axtarış edə biləcəksiniz.
Apple Intelligence, on ildən çox əvvəl elan edilmiş Siri üçün ən böyük yeniləməni də qeyd edir. Siri artıq sadəcə səsli köməkçi deyil. Apple bildirir ki, iOS 18-də istifadəçilər Siri ilə daha təbii danışa biləcəklər. Apple həmçinin süni intellektə əsaslanan məhsuldar intellektə daxil olmaq üçün sistemə birbaşa sorğu yazmaq imkanı əlavə edir. Buna görə də, səs olmadığı halda yazaraq belə işlərinizi görmək mümkün olacaq.
Apple Intelligence hansı cihazlara gələcək?
- iPhone 15 Pro Max
- iPhone 15 Pro
- iPad Pro (M1 və sonrakı)
- iPad Air (M1 və sonrakı)
- MacBook Air (M1 və sonrakı)
- MacBook Pro (M1 və sonrakı)
- iMac (M1 və sonrakı)
- Mac mini (M1 və sonrakı)
- Mac Studio (M1 Max və sonrakı)
- Mac Pro (M2 Ultra)
