Forbes Integrated Whale Media Investments və Forbes ailəsinə məxsus Amerikan biznes jurnalıdır. İldə səkkiz dəfə nəşr olunan jurnalda maliyyə, sənaye, investisiya və marketinq mövzularında məqalələr yer alır. Belə ki, bu il şirkətin Avropa üzrə oyun kateqoriyasında azərbaycanlı həmyerlimiz Fidan Rüstəmli də yer alıb. Qeyd etmək lazmdır ki, texnologiya, rabitə, elm, siyasət və hüquq kimi əlaqəli mövzular haqqında hesabat verən Forbes-in siyahısında yer alan həmyerlimiz Fidan Rüstəmli oyun ekosisteminə diqqət yetirən Gamepons platformasının həmtəsisçisidir. “30 Under 30 Europe 2023” hesabatında adı qeyd olunan Fidan Rüstəmli hazırda PolyDream VR oyun studiyasında biznesin inkişafı ilə bağlı işləyir.
Jurnal ən zəngin amerikalılar (Forbes 400), Amerikanın ən zəngin məşhurları, dünyanın ən yaxşı şirkətləri (Forbes Global 2000), dünyanın ən güclü insanları və dünyanın milyarderləri kimi siyahıları və reytinqləri ilə də tanınmaqdadır. Forbes-in Asiyada beynəlxalq nəşri, eləcə də dünyanın 27 ölkə və ərazisində lisenziya əsasında hazırlanmış nəşrləri var.
Forbes-in siyahısında bundan əvvəl başqa həmyerlilərimizdə yer aldığını xatırlatmaq lazımdır. “Rainergy” adlı şirkətin təsisçisi Reyhan Camalovanı da siyahıda görmüşdük. Reyhan xanımın təsis etdiyi platformanın məqsədi isə yağış suyunu generatorlar vasitəsilə kənd yerlərində enerji çatışmazlığı problemini həll etməkdir. Platforma xüsusilə yağışlı ölkələrdə işləmək üçün ciddi rola malikdir. Rainergy-nin generatorunun effektivliyini artırmaq üçün 100 min dollar toplanmışdı. Reyhan xanım, Asiyada Forbes-in “30 under 30” siyahısına daxil olan ilk azərbaycanlı olmuşdur.
