Azərbaycanda da fəaliyyət göstərən Türkiyənin yerli fintech startapı Turan 35 milyon TL yəni 1.2 milyon dollar investisiya alıb. Belə ki, Turan Türk dövlətlərində yaşayan istifadəçilərə maliyyə həllərini vahid platformadan əldə etmək imkanı təklif edir. İndi isə Turan startapı United Payment-in rəhbərlik etdiyi investisiya turunda yüklü miqdarda investisiya əldə edib. Hətta investisiya turuna məşhur APY Ventures şirkəti də qoşulub.
Qeyd edək ki, Türkiyənin yerli fintech startapı Turan, Türkiyə, Azərbaycan, KKTC, Qırğızıstan, Özbəkistan, Gürcüstan və Qazaxıstan arasında saniyələr ərzində pul köçürmələrini həyata keçirməyə imkan verir. Startap istifadəçilərə fiziki və virtual Turan kart, 24/7 yəni günün istənilən saatında pul köçürmək imkanı, təmassız ödənişlər, QR kodla ödəniş kimi bir çox xidmət təklif edir. 2022-ci ildə qurulan Turan startapı, Türk dövlətlərində yaşayan istifadəçilərin maliyyə həllərinə çıxışını təmin etmək üçün yeni bir maliyyə tətbiqi olmaq məqsədi ilə yola çıxmışdı. Hazırda 300 mindən çox istifadəçisi olan startapın Türkiyədən əlavə olaraq Azərbaycanda və Özbəkistanda ofisləri mövcuddur.
Startapın qurucusu Özgür Bayraktar bildirir ki, “Türkiyədə yaşayan soydaşlarımıza həll yolu təqdim etmək üçün çıxdığımız yolda çatdığımız nöqtəyə və gələcəyə baxdığımızda bu yolun yalnız 1%-i olduğumuzu qiymətləndiririk. Biz Türk dövlətləri arasında rəqəmsal pul köçürmə dəhlizi yaratmaq məqsədimizdə ilk olaraq Azərbaycanda fəaliyyətlərimizi sürətləndirdik. Tezliklə isə istifadəçilərimiz öz pul kisələrindən saniyələr ərzində Azərbaycandan Türkiyəyə, Türkiyədən Azərbaycanan pul köçürməsi həyata keçirə biləcəklər”.
