Çıxdığı ilk gündən haqqında çox danışılan “Apple Card”, Apple üçün “fintech” dünyasının gələcəyi olaraq görülürdü. Kredit kartı dünyasının da gələcəyi olduğu iddia edilən Apple Card eyni zamanda dizaynı və illik kart haqları və gecikmə haqları kimi elementləri özündə birləşdirməyən istifadəçi yönümlü sistemi sayəsində diqqətləri özünə çəkmişdi. Lakin illik kart haqqının olmaması, gecikdirmə müddətindən azad olma və bu kimi üstünlükləri özündə birləşdirməsi ilə, Apple Pay ödəniş sistemin bir parçası olan xidmət gözlənilən potensiala çatmağı bacarmadı.
Belə ki, verilən məlumata görə istifadəçilər ötən 3 il ərzində bu kartları yüksək həcmli ödəmələrdə təəccübləndirici də olsa istifadə etməyiblər. Nəticədə “Goldman Sachs”, bu xidmətə sahiblik edən “Platform Solution” biznes qrupunda təxminən “Apple Card” ilə əlaqədar ötən üç il ərzində yığılan ümumi həcmi ~1.2 milyard dollar miqdarında zərər ödəməli olacaq. Son 2 ildəki ümumi zərəri 2 milyard dolları keçən xidmət digər bir tərəfdən uğursuzluqlar səbəbi ilə investorlarını da itirir. Qəribədir ki, Apple şirkəti bu xidmətini optimallaşdırmaq üçün hələlik, çox da vacib addımlar atmağı düşünmür.
Apple Card xidmətinə sahib şirkət işçilərinin 7 faizinin ixtisar edilməsi düşünülür
Bununla əlaqədar olaraq keçən ilin noyabr ayında gündəmə gələn məlumatlara görə, 9 il əvvəl istifadəyə verilən Apple Pay, ABŞ-da mağazadaxili ödənişlərin yalnız 2,4%-lik hissəsində istifadə edilir. Buna görə də həm Apple Card, həm də Apple Pay ilə bağlı nəticələrin şirkətin təbəssümünə səbəb olmadığı bildirilir. Mövzu ilə bağlı hesabatda Goldman Sachs-ın biznes və bank bölmələrində çalışan 3000-dən çox insanı (bütün işçilərin təxminən 7 faizini) ixtisar etməyə hazırlaşdığı bildirilir.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
