27 İyul tarixində ABB İnnovasiya Mərkəzində 4-cü ABB “Hackathon Startup Challenge” müsabiqəsindən pre-inkubasiya mərhələsinə keçid alan 25 startapın “Təqdimat Günü” baş tutdu. Qeyd edək ki, 6 həftəlik pre-inkubasiya proqramı müddətində startaplar təlimlər, mentorluq sessiyalarında iştirak edib, öz ideylarını inkişaf etdiriblər. Tədbirdə ABB Bankın rəhbər heyəti, “ABB İnnovasiya Mərkəzi”nin rezidenti olan startaplar və digər qonaqlar iştirak ediblər. Tədbirdə “FinTech”, “PropTech”, “EdTech”, elektron ticarət, nəqliyyat sahələrindən olan startaplar öz ideyalarını münsiflər heyəti qarşısında təqdim edib.
Belə ki, ABB innovasiya mərkəzinin pre-inkubasiya mərhələsinə keçid üçün təqdimat tədbirdə Fund Wise, LaFood, My Home, Respays, SnacPack, AyQonshi, izzipay, Kolivan, Est Vest, LotAI, Landchain, iris, Smart Mortgage startapları iştirak ediblər. Startaplar münsiflər heyəti tərəfindən dəyərləndirilib və onlardan 10-nu ABB İnnovasiya Mərkəzinin 4-cü İnkubasiya proqramına keçid hüququ qazanıb, ilk 3 ən yüksək nəticə göstərmiş startap ümumi olaraq 10.000 AZN məbləğində mükafat fonduna sahib olub. Həmin startaplar isə Novalingua, MənzilPark, My Loop olmuşdur.
ABB-nin müasir, faydalı və universal məhsul və xidmətləri barədə məlumatlarını Bankın filial və şöbələrindən, rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə edə bilərsiniz.
