İşlədiyimiz sahədən asılı olmayaraq, hər birimizin ağılna ara-ara bəzi ideyalar gəlir. Çoxumuz hardan başlayacağımızı bilmədiyimiz üçün çoxlarımız da imkan və bəzi problemlərə görə fikirlərimizi reallaşdıra bilmirik. Əlbəttə ki, internetdən araşdıraraq hardan başlamalı olduğumuzu tapa bilərik. Lakin əsas məsələ sahib olduğumuz imkanlardır. İdeyanızı gerçəkləşdirməkdə probleminiz varsa bəzi şirkətlər sizdən fikirinizi alır və onu sizlərlə biryerdə gerçəkləşdirir. Burda sizdən sərmayə tələb olunmur. ABB Innovation bu problemlərə həll gətirəcək bir Hackathon başladacaq.
Hackathon Startup Challenge ABB İnnovasiya Mərkəzi və İnnovasiya və Rəqəmsal İnkişaf Agentliyinin tərəfdaşlığı əsasında təşkil olunacaqdır. Daşınmaz əmlak məlumatlarının təhlili, rəqəmsal ipotekada müştəri təcrübəsi, virtual daşınmaz əmlak səyahəti, mənzil ekosisteminin qurulması, daşınmaz əmlak aqreqatoru mövzuları 4-cü ABB Hackathon Startup Challenge-ın əsas istiqamətləridir. Müraciətçilər bu istiqamətlər ilə yanaşı digər sahələr üzrə olan innovativ həlləri ilə də müsabiqəyə qatıla bilərlər.
Siz müsabiqəyə qatılaraq:
- müxtəlif sektorlar üzrə beynəlxalq təcrübəyə malik mütəxəssislərlə müzakirələr,
- ideyanızın inkişafı üçün davamlı mentor dəstəyi və təlimlər,
- inkubasiya mərhələsinə keçid,
- ideyanızın yekun işlək məhsula çevrilməsi
- və 10 000 AZN-dək investisiya yatırımı qazana bilərsiniz.
4-cü ABB Hackathon Startup Challenge 20 – 21 may tarixlərində Baki Konqres Mərkəzində keçiriləcək. Müsabiqəyə həm fərdi, həm də komanda şəklində müraciət edə bilərsiniz. Müraciət üçün xüsusi yaş limiti yoxdur. Son müraciət tarixi 15 may, saat 23:59-dur. Daha ətraflı məlumat və müraciət üçün linkə keçid edin.
