Ucu-bucağı görünməyən kosmosdan yeni siqnallar alınıb. Belə ki, Toronto Universitetinin alimləri kosmosdan gələn 25 yeni sürətli radio partlayışı siqnalını aşkar edib. Bu partlayışlar normal hal olsa da, onları xüsusi edən bir şey var. Belə ki, bu radio partlayışları yəni FRB-lər təkrarlanıb. Yəni kosmosda eyni yerdə 25 dəfə partlayış baş verib. Ümumiyyətlə radio partlayışları əsasən ulduzların sönməsi ilə əlaqədar olur. Bildiyimiz kimi, ulduzların hər biri əslində yanan qaz kütləsidir. Vaxtı gəldikdə isə həmin qaz kütləsi partlayır və ulduz yoxa çıxır yəni sönür. Sonuncu dəfə bu dərəcədə güclü partlayışlar 2019 və 2021-ci illərdə aşkar edilmişdi.
Qeyd etdik ki, Toronto universitetləri tərəfindən aşkarlanan 25 yeni sürətli radio partlayışı digərlərindən fərqli olaraq eyni zamanda təkrarlanaraq baş verib. Məhz bu hal yeni bir sual doğurur. Görəsən bu radio partlayışları yadplanetlilər tərəfindən göndərilib? Astronomlar bu sualın cavabını tapmaq üçün radio partlayışlarının baş verdiyi tarixi, zamanı və yeri müəyyənləşdirməyə çalışırlar. Onlar qeyd edir ki, əgər bu partlayışlar ətraflı şəkildə araşdırılırsa bütün suallara cavab tapmaq mümkün ola bilər.
Yuxarıdakı şəkildə də göründüyü kimi, universitetin astronomlarının aşkarladığı partlayışlar səmada ardıcıl olaraq paylanır. Burada narıncı işarələr yeni kəşf edilmiş sürətli radio partlayışı siqnallarını təmsil edir. Tədqiqatın müəllifi olan Ziggy Plenis ehtimal edir ki, bu partlayışlar da ulduzların sönməsi nəticəsində yaranıb. Lakin daha dəqiq məlumat araşdırmanın sonunda bəlli olacaq.
