Azərbaycanlı marketinq ekspertinin məqaləsi Harvard Business Review tərəfindən dərc edilib!
Beynəlxalq aləmdə uğurlara imza atan Mirceyhun Quliyevin məqaləsini Harvard Business Review saytı dərc edib. Qeyd edək ki, bu məqalə rəqəmsal marketinqdə ən çox istifadə olunan terminlər və onların mənaları ilə bağlıdır. Rəqəmsal marketinqi dərindən analiz edən Mirceyhun Quliyev yekunda 10 termin və onların mənalarını qeyd edib.
Qeyd edək ki, Mirceyhun Quliyev, Türkiyə mərkəzli 360AdWorks Google Marketing Agentliyi-nin təsisçisidir. Həmçinin mərkəzi ofisi Skyland İstanbulda olan Google Premier Partner şirkəti Destex-in Azərbaycan ofisi olaraq fəaliyyət göstəririr. Bu arada 360AdWorks Google Marketing şirkəti Google rəsmi partnyorudur.
O, 2015-ci ildə Türkiyədə Kocaeli Universitetinde Magistr təhsili aldığı illərdə, İstanbulda yerləşən Genna İstanbul reklam agentliyində təcrübəçi olaraq işə başlayıb. Həmin aylarda Google-da müraciət etdiyi Google Summer School – a qəbul alaraq və ortalama 3 həftəlik təlimlərdə iştirak edib, Google sertifikatlarına yiyələnib. Ardından Google Dome olaraq tanınan, Google’ın Dome İstanbul ofisində minlərlə müraciətlərin arasından 6 aylıq təcrübə proqramına alınıb, Google–ın bir sıra layihələrində işləmək fürsəti qazanıb. Təcrübə müddəti bitdikdən sonra Google-dan aldığı referansla Google Premier Partner şirkətlərindən olan Türkiyənin ən böyük agentliklərindən Destex Digital-da çalışmaq üçün yönləndirilib. 1 ildən uzun müddət çalışdığı zaman ərzində Google-dan yenidən iş təklifi alaraq Google İnbound komandasında çalışmaq üçün dəvət edilib. Azərbaycana döndüyü il İnnovasiya Agentliyində Marketing mütəxəssisi olaraq işə dəvət alıb. Agentlikdə çalışdığı il ərzində paralel olaraq 360AdWorks agentliyi olaraq fəaliyyət göstərirdi və Google Marketing xidmətlərini istər dövlət layihələrinə, istər özəl şirkətlərə xidmət göstərirdi
Hal-hazırda 360AdWorks Google patnyor şirkəti artıq 5 ilə yaxın müddətdir ki Azərbaycanda Google Marketing agentliyi olaraq çalışırlar, 5 il ərzində Azərbaycanın bir çox aparıcı şirkətlərilə işləmək imkanı olmuşdur. Yerli və qlobal şirkət olaraq ümumilikdə 200-dən çox şirkətə xidmət göstərmiş, dünyanın 50-dən çox ölkəsində reklam çıxarmış, nəticələr almışdır. Xatırladaq ki, Mirceyhun Quliyev Tedroid videobloqlarında iştirak etmişdir. Videoları isə rəsmi sosial media hesablarımız üzərindən izləməyiniz mümkündür. Eyni zamanda bundan sonra Mirceyhun Quliyevin marketinq üzrə məqalələrini Harvard Business Review üzərindən davamlı olaraq oxuya bilərsiniz.
Harvard Business Review nəyə görə əhəmiyyətlidir?
Harvard Business Review (HBR) dünyanın ən prestijli və nüfuzlu biznes jurnalıdır. İlk dəfə 1922-ci ildə Harvard Universitetinin biznes məktəbi olan Harvard Business School jurnalı kimi nəşr edilmişdir və artıq 90 ildir ki, bizneslərə istiqamət verir. “Harvard Business Review” idarəetmə, liderlik, strategiya, innovasiya və digər biznes mövzularına yönəlmiş ixtisaslı məqalələr, nümunə araşdırmaları və ekspert rəyləri daxildir.
Jurnalda iş dünyasındakı cari hadisələri təhlil etmək, yeni ideyaları bölüşmək və biznes liderlərinə dəyərli məzmun təqdim etmək üçün yazılmış məqalələr yer alır. Resurs, həmçinin dərin biznes anlayışlarını təqdim edən HBR Insights Press adlı öz kitablarını nəşr etdirir.
HBR akademiklər, biznes liderləri, sahibkarlar və peşəkarlar üçün resurslar toplamaq və bilik əldə etmək üçün vacib vasitə hesab olunur. Həm çap, həm də rəqəmsal platformalarda nəşr olunan HBR, biznes dəyişikliklərini başa düşmək və idarə etmək istəyən hər kəs üçün dəyərli mənbədir.
