Oktyabrın 26-da, Bakı daha bir tarixi bir tədbirə ev sahibliyi edəcək. Azərbaycan İnnovasiya Mərkəzi-nin dəstəyi ilə dünyada ən çox istifadə edilən proqramlaşdırma dillərindən biri olan PHP-nin Azərbaycanda ilk dəfə keçirilən beynəlxalq konfransı — PHPKonf 2025 baş tutacaq. Bu tədbir PHP.net tərəfindən rəsmi olaraq təsdiqlənmiş və beynəlxalq standartlara uyğun təşkil edilən yeganə PHP konfransıdır.
Təcrübəli spikerlər və ən son texnologiyalar
Konfransda dünyanın tanınmış şirkətlərində çalışan, müxtəlif layihələrdə böyük uğurlar qazanmış təcrübəli spikerlər iştirak edəcək. Onların çıxışları PHP icmasının bugünkü çağırışlarını və sabahkı imkanlarını işıqlandıracaq.
PHPKonf 2025 təkcə bilik qazanmaq üçün deyil, həm də networking və əməkdaşlıq imkanları üçün ideal mühitdir. İştirakçılar həm yerli, həm də xarici mütəxəssislərlə ünsiyyət quraraq yeni tərəfdaşlıqlar və layihələr üçün zəmin yarada biləcəklər.
Konfrans proqramına yalnız spiker çıxışları deyil, həm də coffee break fasilələri, nahar, interaktiv oyunlar və xüsusi hədiyyələr daxildir. Bu, iştirakçılara həm öyrənmək, həm də rahat mühitdə ünsiyyət qurmaq imkanı verəcək.
Bu payız Azərbaycan proqramlaşdırma ekosisteminin ən mühüm tədbirlərindən birinə çevriləcək PHPKonf 2025-də sən də iştirak et və beynəlxalq PHP icmasının bir parçasına çevril. Biletləri isə elə indi əladə edə bilərsən.
