Niyə görə məhz NVIDIA Studio seriyası noutbuklar digər noutbuklardan daha üstün tutulmalıdır? Bu gün məqaləmizin mövzusu məhz bu sual ətrafında olacaq. Ümumiyyətlə bilirik ki, oyunlardan əlavə render, 3D modelləşdirmə habelə video monatj proqramlarında da qrafik kart əsas yer tutur. Biz artıq NVIDIA RTX seriyalı noutbuklardan onların üstünlüklərindən və təklif etdiyi texnologiyalardan xəbərdarıq. Lakin bu gün Nvidia şirkətinin əsl peşəkarlar üçün xüsusilə optimallaşdırdığı yüksək performanslı noutbuk seriyasından danışacağıq. Bu noutbuklar həmçinin NVIDIA Studio seriyası noutbuklar da adlanır.
Məzmun yaradıcılığı, video redaktə, 3D modelləşdirmə və qrafik dizayn kimi çətin işlərin öhdəsindən gəlmək üçün yüksək performanslı texnologiyalara ehtiyac çox sürətlə artır. Təbii ki, bu sahələrdə öz töhfəsini verən insanlar isə daha çox diqqət ayrılaraq hazırlanmış texnologiyalara sahib olmalıdırlar. Məzmun yaradıcılığı başda olmaqla içərisində “qrafika” ilə bağlı bağlı termin olan sektorda isə Nvidia liderlərdən biridir. Təkmilləşdirilmiş cihazlara artan tələbatla Nvidia, peşəkarların ehtiyaclarını ödəmək üçün xüsusi olaraq hazırlanmış Nvidia Studio seriyası notbukları və kompüterlərini təklif edir. Gəlin Nvidia Studio seriyası noutbuklarından daha detallı danışaq.
NVIDIA Studio seriyası noutbuklar hansı üstünlüklərə sahibdir?
İlk öncə qeyd edək ki, Nvidia Studio noutbukları Nvidia Studio platformasının imkanları ilə istifadə üçün optimallaşdırılmış güclü Nvidia qrafik kartları ilə təchiz olunub. Bu da istifadəçilər üçün yüksək performans və stabillik təmin edir. Studio drayveri ilə işləyən Nvidia qrafik kartı ilə təchiz edilmiş kompüterlər proqramlardan istifadə təcrübəsini təkmilləşdirmək üçün xüsusi olaraq hazırlanlanırlar. Nvidia Studio noutbuklarını da digər standart notbuklardan fərqləndirən əsas xüsusiyyətlərindən biri elə məhz budur. Belə ki, RTX seriyalı qrafik kartları ilə təchiz edilmiş Nvidia Studio noutbukları 4-cü nəsil Tensor nüvələri ilə 110-dan çox proqramda daha sürətli performans göstərir. Həmçinin Nvidia Studio seriyası noutbuklar dünyanın ən qabaqcıl və ən sürətli RTX qrafik kartları ilə təchiz edilir. Belə ki, bu qrafik kartlara sonuncu nəsil RTX 40 qrafik kartlarda daxildir. Ümumiyyətlə RTX 40 qrafik kartları ilə təchiz olunan Studio noutbukları əsasən 3D modelləşdirilməsində və montaj proqramlarında istifadə olunur. Belə ki, bu noutbuklar digər noutbuklara nəzərən 5 qat daha yüksək performans verir.
Ümumi baxımdan nəzər yetirsək bir kompüterin performansı qrafik kart səbəbi ilə mükəmməl səviyyədə olmur. Nvidia Studio seriyası noutbuklar və xüsusilə notbukları sahib olduqları bu imzanın haqqını vermək üçün yüksək vatt dəyərlərində işləyən prosessorlardan tutmuş, yeni nəsil yükək keyfiyyətli ekranları bağlamaq üçün Thunderbolt girişinə qədər bir sıra vacib xüsusiyyətlərə sahib olurlar. Həmçinin bu seriya altında satılan kompüterlərin soyutma texnologiyaları da xeyli gücləndirilir. Bu noutbuklardakı yeni nəsil RTX 40 qrafik kartları daha az enerji sərfiyyatı ilə daha çox performans göstərdiyi üçün möhtəşəm səviyyədə soyutma sisteminə ehtiyac olmur. Bununla da, iş və gündəlik noutbukların ən əhəmiyyətli problemi olan isinmə aradan qalxır.
Nvidia Studia noutbukları və RTX texnologiyası
NVIDIA Studio seriyalı noutbuklar 4 il əvvəl təqdim edilsə də, artıq bazarda bir çox seçim mövcuddur. Belə ki, onlardan ən məşhurlarına Razer Blade 16, MSI Stealth 17 Studio A13V, ASUS Zenbook Pro 14 misal göstərmək olar. Qeyd edək ki, ilk 2 noutbuk RTX 4090 qrafik kartı ilə sonuncusu isə RTX 4070 ilə təklif olunur. Bu noutbukların ən önəmli xüsusiyyətlərindən biri məhz nazik və yüngül olmalarıdır. Məhz bu səbədən də oyun noutbukları kimi soyutma sisteminə sahib deyillər. Lakin Ada LoveLace arxitekturasına əsaslanan RTX 40 seriyalı qrafik kartları DLSS 3 texnologiyası, beşinci nəsil Max-Q texnologiyası və NVENC AV1 kodlaşdırıcısı ilə isinmədən maksimum performans göstərir. Qeyd edək ki, bu noutbuklar əsasən dizaynerlər, memarlar, 3D modəlləşdirmə proqramlarından istifadə edənlər, redaktorlar üçün nəzərdə tutulub. Belə ki, müvafiq olar bu noutbuklar After Effects, Premiere Pro, Photoshop, lightroom, Davinci Reslove kimi məşhur proqramlar üçün də təkmilləşdirilib.
RTX texnologiyası dedikdə isə İşıq izləməsi isə bir çox müasir oyunlarda daha real işıqlandırma, kölgələr və obyektlərin əks olunmuş təsvirlərini yaratmaq başa düşülür. Yəni, virtual olaraq bir oyun və ya simulatorda yaradılmış mühit daxilində, hər hansı bir işıq mənbəyi olarsa işığa bağlı real amillər həmin mühitdə canlandırılır. Nəticədə işıq izləməsi ilə real vaxt rejimində əks olunan obyektlərin əksi, kölgələr və işıq şüaları da daxil olmaqla daha dəqiq işıqlandırma effektləri yaradıla bilər. İşıq izləməsi texnologiyası, həmçinin işığı əks etdirən səthlərdən işığın “sıçraması” və ya şəffaf obyektlər vasitəsilə (virtual mühitdəki şüşə və.s) işığın süzülməsi kimi daha mürəkkəb işıqlandırma ssenarilərinə də imkan verir.
Studio seriyalı RTX noutbuklar necə performans göstərir?
Qeyd etdik ki, NVIDIA Studio seriyalı noutbuklar bir çox montaj, modelləşdirmə proqramında möhtəşəm performans göstərir. Bunun əsas səbəbi isə RTX seriyalı qrafik kartları üçün əlçatan olan NVENC kodlaşdırıcı proqramlarıdır. Belə ki, bu kodlaşdırma proqramı süni intellekt vasitəsi ilə bir çox funksiyanı dəfələrlə sürətli icra edir. Məsələn noutbuklar üçün ən mühüm məsələ olan render müddəti qısalır. Adobe Photoshop, Lightroom, Adobe Premiere Pro, Blackmagic DaVinci Resolve, OBS Studio kimi tətbiqləri nümunə olaraq göstərə bilərik. Bütün bunlardan başqa, Nvidia Studio drayverləri sistemin “təhlükəsizliyi” üçün də sazlanıb. Yəni, sistem xətalarının, çökmələrin və ya işləyərkən gecikmələrin qarşısını almaq üçün sazlamalar mövcuddur.
Ən maraqlı detallardan biri də fikrimizcə Premier Pro ilə bağlıdır. Adobe şirkəti Auto Reframe adlı texnologiyası ilə, GPU dəstəkli süni intellektin gücündən yararlanaraq məzmunun emalını sürətləndirə bilir. Bu texnologiyalar Adobe Sensei AI ilə birləşdirilikdə video məzmununu rahatlıqla müxtəlif təsvir ölçüsünə çevrilməsi mümkün olur. Normalda prosessorlar ilə bu işin görülməsi ilə müqayisədə NVIDIA RTX qrafik kartları 400% daha sürətli performans qarşımıza çıxarır. Yeni Auto Reframe funksiyası ilə video redaktorlar öz videolarını sosial media üçün əvvəlkindən daha sürətli hazırlaya bilərlər. Lightroom və Photoshop üçün də vacib imkanlar istifadəçilər üçün təklif edilir. Adobe Lightroom ilə görüntülər redaktə edilərkən və eyni zamanda göstərilərkən GPU sürətləndirməsindən istifadə edilir. Lakin bir hal var ki, normalda render olunmamış görüntü bizə tam dəqiq nəticə göstərmir. Həmçinin, görüntü üzərində işləyərkən sistemin eyni zamanda dəyişikləri real vaxt kəsiyində nümayiş etdirməsi üçün xeyli resurs tələb olunur.
Yekunda qeyd edə bilərik ki, NVIDIA Studio seriyalı noutbuklar həm performans həm də sürət cəhətdən digər noutbuklardan fərqlənərək birinci sırada yer alır. Belə ki, bu noutbuklar dördüncü nəsil tensor nüvələrinə sahib olan RTX 40 seriyalı qrafik kartları ilə təchiz edilib. Bu qrafik kartlar isə həm enerji sərfiyyatı həm də performans cəhətdən təkimilləşdirilib. Ümumiyyətlə Nvidia studia noutbukları öz seqmentinin ən yaxşısı hesab olunur.
