İtmiş kriptovalyuta şahzadəsi kimdir?
Ruja İqnatova özünü Kriptoşahzadə adlandırırdı. 2016-cı il iyunun əvvəlində Dr.Ruja İqnatova adlı 36 yaşlı iş qadını minlərlə pərəstişkarı önündə Wembley Arenada səhnəyə çıxdı. Ruja insanlara Bitcoin ilə rəqabət aparmaq üçün kriptovalyuta icad etdiyini söyləyirdi. İndiyə qədərki bütün görüntülərində bahalı libası, uzun brilyant sırğaları və parlaq qırmızı dodaq boyası ilə tanınan Ruja İqnatova-nın həmin anda dünyanın ən böyük kriptovalyuta fırıldaqçılıqlarından birini planlaşdırdığını heç kim bilmirdi. Ruja İqnatova onu alqışlayan kütləyə OneCoin-in “hər kəsin hər yerdə ödəniş etməsi üçün” ən yaxşı kriptovalyuta olacağını vəd etmişdi.
Kriptoşahzadənin tutulmasına kömək edən adama FBI 100.000$ ödəyir!
OneCoin kriptovalyutası Dubay mərkəzli OneCoing Ltd. və Mərkəzi Amerika, Beliz qeydiyyatlı OneLife Network Ltd. şirkətlərinin kriptovalyutası idi. Daha doğrusu kriptovalyuta kimi göstərilən pirmadi, ponzi sxemi olduğunu qeyd etsək daha düzgün olar. Belə ki, saxta kriptovalyuta satmaqla tam olaraq 4 milyard dollar əldə edən kriptoşahzadə FBI (Federal Təhqiqat Bürosu) tərəfindən ən çox axtarılan 10 adam siyahısına əlavə edilib.
OneCoin saxtakarlığı Ruja Ignatova və Sebastian Greenwood tərəfindən dəstəklənmişdi. 2017-ci ilin Oktyabr ayında Portuqaliya, Lissabon da investorlar başda olmaqla keçirilən görüşdə birjanın açılmasını gözləyirdi. Böyük yatırım edən investorların çoxluğu gərginliyi xeyli artırmışdı. Lakin Hərkəsi ora toplayan Dr.Ruja həmin görüşə özü gəlmədi. Heç bir OneCoin ofisi və şirkətin işçiləri kriptoşahzadəsinə nə olduğu barədə xəbərdar deyildi. Beləliklə film kimi tədbirin ardından tarixin ən maraqlı kriptovalyuta fırıldaqçılığı baş tutdu. FBI tərəfindən aparılan araşdırmaya görə elə məhz həmin görüşə getməməsindən 2 həftə sonra axırıncə dəfə Bolqarıstandan Yunanıstana uçan Ruja İqnatova ondan sonra yoxa çıxmışdır.
Sebastian Greenwood 2019-cu ildə tutulduqdan sonra 90 il həbs cəzası verilib. Ruja qeybə çəkildiyi ərəfədə idarəni ələ alan qardaşı Konstantin Ignatov də həmçinin 2018-ci ildə tutulduqdan sonra həbs edilib.
Bütün bu hadisənin təfərrüatları ilk dəfə 2021-ci ildə Dubay məhkəmələrindən sızan sənədlərdə ortaya çıxdı. Hətta Dr.Rujanın işini aparan bir vəkil baş verən prosesi “tarixin ən uğurlu cinayətkarı” adı altında internetə yerləşdirmişdi.
Kriptoşahzadə isə hələ də axtarışdadır. Belə ki, 5 ildir axtarışda olan Ruja Ignatova FBI tərəfindən ən çox axtarılanlar siyahısında ilk onluğa əlavə edilib. Federal Təhqiqat BürosuI, Ruja ilə bağlı hansısa bir ipucu verən adama 100.000$ mükafat verəcək. Ehtimallara görə tamamilə yeni şəxsiyyət və estetik dəyişikliklər etmiş Ruja İqnatova-nın tapılması geridə də heç bir iz olmadığı üçün xeyli çətinlik yaradır.
