Artıq bəllidir ki, Azərbaycan bazarı üçün HONOR 400 seriyası rəsmi olaraq yeni seriyası ilə debüt edib. Bəs, tam 6 il yeniləmə alacaq HONOR 400 seriyası biz nə vəd edir? Daha ətraflı, bu məqaləmizdə!
HONOR 400 Pro və HONOR 400 modelləri ilə bazara daxil olan bu modellərdən daha əvvəl HONOR 400 xəttinin “Lite” modeli haqqında məlumat vermişdik.
Ən yeni təqdim olunan HONOR 400 Pro və HONOR 400 modelləri isə daha yüksək büdcəli və daha yüksək texniki imkanlara malik seqmentə yönəlir. HONOR 400 Pro brendin HONOR Magic7 seriyasının ardınca ilk pillədə yerləşən imkanlar gətirir. HONOR 400 modelinə baxdıqda isə HONOR 400 Pro ilə bənzər imkanları nisbətən büdcəyə uyğunlaşdırmaqla fərqləndiyini görürük.
HONOR 400 Pro bu il hansı imkanlarla gətirir?
Keçən ilki HONOR 400 modelini yenidən gözdən keçirən brend, sanki “Pro” modelinə yeni baxış bucağı qataraq daha da “premium” istifadəçi təcrübəsi qatmağa çalışır. Kamera və proqram təminatı sahəsində ən müasir xüsusiyyətlərinin hər birini bu xəttə inteqrasiya edən brend, bir çox müasir flaqman modellərlə böyük ölçüdə rəqabət apara biləcək iddialı bir alternativ olub.
HONOR 400 Pro smartfonu, sələfindən daha sürətli prosessora, uzunömürlülüyü gücləndirən xüsusiyyətlərə, daha yaxşı kamera sisteminə və təbii ki, çoxsaylı süni intellekt (AI) funksiyalarına malikdir.
Həm ön, həm də arxa tərəfləri yuvarlaq korpusu sayəsində HONOR 400 Pro vizual olaraq olduqca incə bir cihazdr. Formasına görə yeni məhsul Magic7 Pro modellini deyərdik ki, olduqca xatırladır və bu sayədə flaqman xətt ilə ideal ritm yaradır.
Cihazın gövdəsi, metal yox yüksək keyfiyyətli sərt plastik çərçivəyə malikdir. Korpus və çərçivə bütövlükdə möhkəm quruluş təsiri yaradır. Digər tərəfdən plastik, kifayət qədər böyük ölçülü belə bir smartfonun cəmi 205 qram olmasını təmin edir. Rəqiblərlə müqayisə etdikdə 6,7 düymlük smartfonlardan bir xeyli yüngül təəssürat yaşatdığını söyləyə bilirik.
Smartfonun arxa panelindəki kamera blokunun dizaynı dəyişib. Həmçinin barmaq izi və ləkə göstərməyən mat və xoş arxa panele malik şüşə arxa qapaq fərqli dizaynla yerində qalıb. HONOR 400 Pro, IP68/69 suya və toza qarşı iki yüksək qoruma standartını qarşılayır. Başqa sözlə, cihaz toz hissəciklərinə tam davamlıdır və 1,5 metr dərinlikdə şirin suya salınmağa və ya üzərinə isti su axını yönəldilməsinə zərər görmədən dözə bilir.
HONOR 400 Pro kamera xüsusiyyətlərini süni intellekt işlədərək gücləndirir
HONOR 400 Pro-nun kamera blokunda 1/1.4 düymlük ISOCELL ilə ortaq təkmilləşdirilən 200MP, 12MP f/2.2 ultra geniş bucaqlı obyektiv və IMX856 əsaslı 50MP 3x telefoto obyektiv kamerası yerləşir. Selfi hissəsi 50MP əsas, 2MP dərinlik sensorlarından güc alır.
Ötənilki modellə müqayisədə əsas sensor texniki cəhətdən dəyişib, lakin ultra geniş və telefoto obyektivlər keçən ilki HONOR 200 Pro-dan eynilə bura köçürülüb. Yeganə fərq, telefoto obyektivin böyütmə səviyyəsinin 2.5x-dən 3x-ə qədər artmasıdır.
200MP əsas sensor istənilən işıq səviyyəsində yüksək keyfiyyətli fotoşəkillər çəkməyə imkan verir. Lakin kamera blokunun əsas üstünlüyü 3x optik zumlu telefoto obyektivdədir. Bu obyektivlə çəkilən şəkillər daha iti və detallıdır, böyüdülərkən keyfiyyətini itirmir. Telefoto obyektiv gecə çəkilişlərinə də müsbət təsir göstərdi. Aşağı işıqda çəkilmiş şəkillər kəskindir və nəzərəçarpacaq dərəcədə keyfiyyət itkisi yoxdur.
Şəkil keyfiyyəti 15x yaxınlaşdırıldıqdan sonra düşməyə başlayarkən, bu mərhələdə AI artıq görüntü keyfiyyətini təkmilləşdirməyə başlayır. Süni intellektdən sonra nəticənin keyfiyyəti bir neçə dəfə artır və böyütmə dərəcəsini 50x-ə qədər artırmağa imkan verir. Kamera ayarlarında fotodakı əsas mövzunu fonla müqayisədə vurğulayan HONOR Studio Harcourt portret rejimini aktivləşdirmək mümkündür. Əsas və telefoto kameralarda 60 fps sürətlə 4K video çəkə bilir. Ultra geniş bucaqlı obyektiv və selfi kamerası isə 30 fps ilə 4K-ya qədər dəstəkləyir.
Magic7 seriyasından tanıdığımız AI Super Zoom bu cihazda da var. AI Enhanced Portrait isə xüsusilə 6x-da 135 mm-ə qədər görüntü effekti yaradan olduqca dinamik portretlər çəkməyə imkan verir. Bu cihazın portretlərdə digər bir iddialı tərəfi isə yeni portret filterlərinin əlavə olunmasıdır. AI artıq təkcə şəkillərdə istəmədiyiniz hissələri silməkdən əlavə, AI Upscale ilə görüntü keyfiyyətini artıra, AI Outpainting ilə şəkilləri istədiyiniz kimi genişləndirə, AI Cutout and Edit ilə arxa planı dəyişə, AI Eyes Open ilə foto gözü bağlı düşən insanların gözünü açıq kimi göstərə bilər. AI Image to Video imkanı da var və fotoları videoya çevirmək artıq HONOR 400 seriyası ilə mümkün olacaq.
Bütün tərəflərdən əyrilən ekran mükəmməl toxunuş qatır
HONOR 400 Pro-nun ön paneli, 120 Hz uyğunlaşdırılmış yenilənmə tezliyinə malik 6,7 düymlük OLED-dir. Bu ekranın maksimum parlaqlığı ötənilki modeldən 5000 nit ilə 1000 nit daha yüksəkdir. Praktikada, ekran parlaqlığı günəşli hava şəraitində çöldə rahat istifadə üçün əhəmiyyətli səviyyədə yüksəkdir.
Yuxarıda qeyd olunduğu kimi, smartfonun ön paneli dörd tərəfdən yuvarlaqdır. Ən əsas isə, ekranın yanlarındakı əyriliklər kəskin radiusa malikdir və çərçivəyə doğru yumuşaq keçid edir. Bu mühəndislik həlli həmçinin, ekrana təsadüfi toxunmaların qarşısı tamamilə alır. AI Eye Comfort texnologiyası ilə mühitə, qaranlıqda istifadəyə və yuxu vaxtınıza qədər süni intellekt ekranınızı müxtəlif şəraitə uyğun tənzimləyir. Ən maraqlı cəhəti isə qaranlıqda 1.5 nit kimi minimalist parlaqlığa düşür. Bu da gecə yatmazdən əvvəl smartfona baxdıqda yuxunuzun pozulmasının qarşısını alan vacib üstünlükdür.
Performans və batareya
HONOR 400 Pro-nun texniki bazası Qualcomm-un ötənilki flaqman çipi Snapdragon 8 Gen 3 üzərində qurulub. Xüsusilə mobil oyun və əyləncə ekosisteminin inkişafının nə yerdə olduğunu düşünsək bu çip hələ də standartların qat-qat üzərində güclüdür və biraz münasib qiymətə bir smartfonda yerləşdirilməsi “8 Gen 3”ü çox cəlbedici təklifə çevirir.
Texniki konfiqurasiya 12 GB RAM və 256 GB və ya 512 GB yaddaş variantını əhatə edir. Bu, cihaz interfeysi və proqramlarla qarşılıqlı əlaqə zamanı problemsiz iş və yüksək resurs tələb edən oyunların ani başlanğıcını təmin edir.
HONOR 400 Pro Android 15 əsaslı MagicOS 9 interfeysi ilə işləyir. Bəzi cəhətlərdən HONOR-un interfeysi Android-dən çox iOS-a bənzəyir, bu da açığı dərhal xoşa gələn bir xüsusiyyətdir. Məsələn, bildirişlər və alətlər ayrıdır və ekranın müxtəlif hissələrindən sürüşdürməklə çıxır. Həmçinin Honor Dynamic Island və StandBy rejiminin imkanları da mövcuddur.
Təcrübədə bu interfeys kifayət qədər sürətli işləyir, batareya sərfiyyatı yaxşıdır. Süni intellekt funksiyaların bir hissəsi HONOR tərəfindən hazırlanıb, bir hissəsi isə Google-un standart Android paketinə daxildir.
Proqram təminatında ən maraqlı AI funksiyalarından biri Google-un şəkildən videoya funksiyasıdır. Bu imkan qalereyanızdakı istənilən fotonu 5 saniyəlik videoya çevirməyə imkan verir. Nəticələr təəccübləndirici dərəcədə real görünü. Ən çox istifadə olunan və praktik funksiyalara görüntü redaktə alətləri daxildir. Qalereya tətbiqindən şəkilləri redaktə etmək, obyektləri kəsməyə və şəkil daxilində digər hissəyə daşımağa imkan verir. Həmçinin burada gözlərini qırpmış şəxslərin gözlərini açmaq, əksləri silmək, aşağı keyfiyyətli fotoları yaxşılaşdırmaq və şəkil sərhədlərini genişləndirmək mümkündür.
Honor bu smartfon üçün 6 illik əsas sistem yeniləmələri və 6 illik təhlükəsizlik yamaqları vəd edir. Müqayisə üçün qeyd edək ki, ötənilki HONOR 200 Pro modeli yalnız 3 əsas yeniləmə və 4 illik təhlükəsizlik yaması almışdı.
HONOR 400 Pro-nun batareya ömrü standart versiyaya nisbətən bir qədər böyük olan 6000 mAh tutumlu silikon-karbon batareya ilə təmin olunur. Təcrübədə, müxtəlif istifadə ssenarilərində batareya gündəlik istifadədə kifayət qədər dayanıqlıdır. Cihazın batareyası naqilli enerji ilə 100W, HONOR-un rəsmi naqilsiz enerji platforması ilə 50W dəstəkləyir.
HONOR 400 modelindən də yan keçmədik
Yeni modeldə ən çox nə diqqətinizi çəkdi deyə soruşsanız, istehsalçı teleobyektivdən imtina edərək, yaxın planlı çəkiliş ssenarilərində modernləşdirilmiş 200MP əsas sensora güvənib. Çünki, artıq “superzoom” texnologiyası süni intellekt əsaslı alqoritmlərlə təmin olunur.
Sələfindən fərqli olaraq, HONOR 400 korpusu daha düz xəttlərə malikdir. Bu xəttlər cihazın ön tərəfindən tutmuş yan hissələrinə qədər hiss olunur. Bənzər yanaşma iPhone 16 və Samsung Galaxy S25 seriyası kimi populyar modellərdə də istifadə olunub. HONOR isə bu cihazlara maraqlı və bir o qədər büdcəyə uyğun rəqabət gətirir.
Smartfonun arxa paneli mat şüşə örtüyü ilə təchiz olunub, bu da cihazın əldə flaqman hissini verməsinə və barmaq izi, ləkələrdən yayınmasına imkan yaradır. Plastik çərçivəlidir, lakin daha yüngüldür. Nəticədə cihaz cəmi 184 qram tərəzidə gəlir.
Keçən illə nisbətən kamera modulunun dizaynı əhəmiyyətli dəyişikliyə uğrayıb. Bəli, yeni dizayn daha təzə hiss etdirir. Arxa kamera modulu 1/1.4″ 200 MP əsas sensordan ibarətdir. Yaxşı şəffaflıq və detal verir. Honor Studio Harcourt portret rejimi mövcuddur. HONOR 400 Pro-da olan teleobyektiv burada yoxdur. Lakin 200 MP sensor kifayət qədər işıqda 10x yaxınlaşdırmaya qədər normal şəkillər yaradır. Daha artıq yaxınlaşdırmada keyfiyyət biraz düşə bilir. AI Super Zoom rejimində əlavə keyfiyyət təmin edir. Bütün obyektivlərdə 4K/30 FPS video çəkiliş var və 60 FPS ancaq 1080p formatda aktivdir.
HONOR 400-ün ön panelində 6,55 düym OLED ekran var, 120 Hz yenilənmə tezliyi və 5000 nit pik parlaqlığa malikdir. HONOR 400 Snapdragon 7 Gen 3 çipi əsaslı orta səviyyəli performansa malikdir. 8 GB RAM, 256/512 GB yaddaş variantları mövcuddur. HONOR 400 Android 15 əsaslı Magic OS 9 interfeysi ilə təchiz olunub. HONOR 6 illik əsas Android yeniləməsi və 6 illik təhlüksəzlik yeniləməsi vəd edir. 6000 mAh batareya tamamilə eyni səviyyəlidir. Lakin bu cihaz yalnız 80W HONOR SuperCharge ilə təchiz olunub. Eyni dayanıqlılıq sertifikatları HONOR 400 üçün də təmin olunub.
HONOR 400 seriyası üçün nəticə nədir
HONOR 400 Pro demək olar ki, flaqman səviyyəsində olan əla smartfondur. Bu cihazın fərqləndirici cəhətləri xüsusilə kənarlara qıvrılan yüksək keyfiyyətli ekranı, sürətli prosessoru və bir aşağı modellə müqayisədə 3x telefoto obyektivlə tamamlanan kamera sistemidir.
Honor 400 isə yenə yaxşı performans verən əsas kameraya, uzun batareya ömrünə, parlaq ekrana və bəzilərinin daha çox bəyəndiyi “düz” dizaynla orta sinif üçün əla smartfondur. Ancaq aqressiv Snapdragon 7 Gen 3 performans baxımından tələblərinizin biraz altında qala bilər.
Azərbaycanda əlçatanlığa gəlsək, HONOR 400 modeli 8-256GB başlanğıc versiyasında 999 manatdan, HONOR 400 Pro modeli isə 12-256GB başlanğıc versiyasında 1399 manatdan təklif olunur. İlkin alışda smartfonlar üzərində hədiyyələr də olacaq, odur ki, qaçırmayın!
Sifarişçi: "McCann-Erickson Azerbaijan" Məhdud Məsuliyyətli Cəmiyyəti Ünvan: AZ1001, Bakı şəhəri̇ Səbail rayonu, Nigar Rəfibəyli, ev 12/14 VÖEN: 9900033731 Əlaqə: +994 516217511 E-poçt: info@mccann.az
