Birbank və Visa tərəfdaşlığı ilə keçirilən DevDay 2025, texnologiya, innovasiya və biznes imkanlarının gələcəyini kəşf etmək üçün müstəsna bir platformadır. Tədbir Daş Salnamə Muzeyində baş tutacaq və İT biznes analitikası, proqram təminatı, QA və DevOps sahələrinin mütəxəssislərini bir araya gətirəcək.
DevDay-ın ən mühüm özəlliyi spikerlərin innovasiya komandalarının mütəxəssisləri olmasıdır. İştirakçılar, ölkənin aparıcı rəqəmsal bankçılıq platformalarından birini yaradan komandadan birbaşa real təcrübə və biliklər əldə edəcəklər. Spikerlər öz sahələrindəki praktik biliklərini, innovativ yanaşmalarını və gələcək trendlərlə bağlı baxışlarını bölüşərək tədbiri həm öyrədici, həm də ilhamverici bir mühitə çevirəcəklər.
Tədbir çərçivəsində iştirakçılar texnoloji yeniliklər və yaxın gələcəkdəki trendlərlə tanış olacaq, ekspertlərin paylaşacağı praktik biliklərdən faydalanacaq, eyni zamanda peşəkarlarla ünsiyyət quraraq yeni əməkdaşlıqlar yaratmaq və innovasiya ekosistemində mövqelərini gücləndirmək fürsəti əldə edəcəklər.
İştirak üçün qeydiyyat www.devday.az saytında aparılır və son müraciət tarixi 5 oktyabr 2025-dir. Tədbir Daş Salnamə Muzeyində keçiriləcək və yerlər məhduddur, yalnız seçilmiş iştirakçılara dəvətnamə göndəriləcək.
