ABB Tech Akademiyası, Azərbaycan Beynəlxalq Bankının Korporativ Sosial Məsuliyyət layihəsidir. Hal-hazırda Akademiya proqramlaşdırmanın əsasları mövzusunda “bootcamp” proqramları həyata keçirməklə məşğuldur. Bu proqram çərçivəsində namizədlər Akademiyaya 4 seçim mərhələsini keçməklə qəbul olunur, burada IT sahəsində bilik və bacarıqlar qazanırlar. Belə ki, ABB Tech Akademiyasına yeni proqramlar üzrə qeydiyyatın başlandığını elan edir. Xüsusilə bu dəfə başladılan proqram karyerasını mobil tətbiqlərin yazılması (Mobile development IOS & Android) istiqamətində qurmaq istəyənləri hədəfləyir.
Akademiya tərəfindən verilən məlumata görə kurslar 4 fərqli kateqoriya üzrə aparılır. “Mobile development IOS” kateqoriyası daxilində başlanğıc və peşəkar səviyyə, “Mobile development Android” kateqoriyası daxilində isə başlanğıc və peşəkar səviyyə olmaqla proqrama qəbula start verilir. Akademiyada tədris beynəlxalq dərəcəli mütəxəssislər tərəfindən İsrailin TELEM metodikası əsasında, Rəqəmsal İnkişaf və Nəqliyyat Nazirliyi tabeliyində İnnovasiya və Rəqəmsal İnkişaf Agentliyi ‘’Technest’’ Təqaüd Proqramı çərçivəsində, bp şirkəti və onun tərəfdaşlarının dəstəyi ilə həyata keçiriləcək. Müraciət zamanı yüksək nəticə göstərmiş tələbələrə təqaüd qazanmaq imkanı yaradılacaq.
- Namizəd universal testlərdən və şifahi müsahibədən keçir
- Tələbənin maraq profili müəyyənləşir, güclü və zəif tərəfləri təhlil edilir, motivasiyası nəzərə alınır
- Əvvəlcə baza vərdişlər, daha sonra texnologiya konsepti və təcrübə əsasında konkret texnologiyalar öyrədilir
- Layihə işi, maksimum təcrübə, minimum nəzəriyyə əsas prinsip kimi qorunur
- Tədris prosesində oxu materialları və konspektlərdən istifadə edilmir – yalnız müxtəlif çətinlik dərəcəsində məsələlərin həlli tapşırılır
- Akademiya mentor sistemini tətbiq edir – tələbələr daimi dəstəyə malik olur
- Tələbələr qazandıqları bilik və bacarıqları möhkəmləndirməkdən ötrü təcrübi layihələr yerinə yetirirlər
Proqramlarda iştirak etmək üçün səhifənin sonunda yerləşən düymədən və ya birbaşa abbtech.az keçidindən istifadə edə bilərsiniz.
