İlk naqilsiz qulaqlıq modeli 2015-ci ildə Yapon şirkəti olan Onkyo tərərfindən təqdim edilmişdi. Belə ki, bu model Onkyo W800BT adlandırılmışdı. Müasir dövrdə isə bazarda olan qulaqlıq brendlərinin sayı hesabı yoxdur. Belə olduğu halda isə insanlar qulaqlıq modelləri arasında seçim edərkən çətinlik çəkirlər. Bugünkü məqaləmizdə biz sizə 150 manata kimi sifariş verə biləcəyiniz 5 məsləhətli naqilsiz qulaqlıq modellərini təqdim edəcəyik. Nəticədə naqilsiz qulaqlıqlardan gündəlik musiqi dinləmək, podkast dinləmək və sairə məqsədlər üçün hal-hazırda çox diqqət mərkəzindədir.
Samsung Galaxy Buds Live True
Samsung Galaxy Buds Live True naqilsiz qulaqlığı 2020-ci ildə təqdim Samsung tərəfindən təqdim edilmişdi. Bu qulaqlıq Apple Airpodtslardan fərqli olaraq bir neçə rəng çeşidi ilə təklif olunur. Belə ki, Buds live true qulaqlığı 3 rəngdə: mistik bürünc, mistik qırmızı və mistik ağ rənglərdə istifadəşilərə təqdim edilmişdi. AKG tərəfindən təkmilləşdirilmiş 12 mm dinamik istənilən musiqini yaxşı “bass” səviyyəsində dinləməyinizə imkan verir. Həmçinin bu qulaqlıqlarda ANC funksiyası da yer alır. Qeyd edək ki, ölçüsü “1×0,6×0,5” düym olmaqla olduqca erqonomik olan qulaqlıq həm iOS həm də android cihazlar ilə heçbir problem olmadan əlaqə qura bilir. Bu qulaqlıq modelində də AirPods qulaqlığında olduğu kimi səsli köməkçini aktivləşdirmək mümkündür ki, smartfona toxunmadan cihazı idarə etməyi xeyli asanlaşdırır. Samsung Galaxy Buds Live True naqilsiz qulaqlığı hal-hazırda Amazon e-ticarət səhifəsində 53% endirim edilmiş qiymətə 79.99$ və ya 136 manata təklif olunur.
Apple AirPods 2
2019-cu ildə təqdim olunmuş Apple AirPods 2nd Generation modeli 150 manata kimi olan 5 ən yaxşı naqilsiz qulaqlıq siyahımızda yer alır. Texnologiya dünyasında hər zaman keyfiyyətli və bahalı modelləri ilə öz sözünü demiş olan Apple şirkətinin bu qulaqlığı sələfindən görünüş olaraq fərqlənməsə də texniki olaraq çox fərqlənir. Belə ki, yeni nəsil Apple AirPods 30% daha az gecikmə sürəti, daha keyfiyyətli səs sistemi və daha çox istifadə müddəti ilə sələfindən fərqlənir. Qeyd edək ki, hər iki qulaqlıq dizayn olaraq tamamilə eynidir və hər ikisinə 2 dəfə toxunduqda Siri səsli köməkçisi aktivləşir. Apple AirPods 2 modeli hal-hazırda Amazon e-ticarət səhifəsində 89$ yəni təxminən 151 manatdır. Lakin gün ərzində stokları 2 dəfə tükənib. Əldə etmək üçün mütəmadi yoxlamağınızda fayda var. Naqilsiz qulaqlığın normal satış qiyməti 159$ olsa da hal-hazırda davam edən Black Friday kompaniyası səbəbindən 43% endirimli qiymət ilə təklif olunur.
OnePlus Buds Pro
OnePlus Buds Pro modeli Çin smartfon istehsalçısı olan OnePlus şirkəti tərəfindən 2021-ci ildə təqdim edilmişdi. Samsung Galaxy Buds Live True modelinin rəqibi olan bu naqilsiz qulaqlıq, şarj qutusu ilə birlikdə 38 saat istifadə müddəti təklif edir. Həmçinin qulaqlığın ən iddialı xüsusiyyətlərindən biri 10 dəqiqəlik şarj ilə 10 saatlıq istifadə müddəti vədd edir. Əlavə olaraq isə qulaqlıq 2 cihaza eyni anda qoşula bilir. Qulaqlıq IP55 sertifikatına malikdir və suya həmçinin tərə qarşı dayanıqlıdır. ANC funksiyası vasitəsilə qulaqlıq ətraf səsləri 40dB-ə dək azalda bilir. OnePlus Buds Pro modeli 3 rəngdə: Mat qara, Gümüşü və Parlaq ağ rəngdə təklif olunur. Qulaqlıq hal-hazırda Amazon e-ticarət səhifəsində 47% endirim edilmiş qiymətə 79.99$ və ya 136 manata təklif olunur.
Google Pixel Buds A-series
Hərkəs tərəfindən tanınan məşhur Google şirkəti tərəfindən 2021-ci ildə təqdim edilmiş Google Pixel Buds A-series 3 rəngdə təklif olunur. Bunlara kömür rəngi, dümağ rəng və nəhayət tünd zeytun rəngi aiddir. Dizayn cəhətdən Xiaomi modellərinə bənzəyən Google Pixel Buds A istifadəçilər keyfiyyətli və zəngil səs sistemi təqdim etmək üçün 12 mm-lik səs drayverləri ilə təchiz edilmişdi. Həmçinin Google naqilsiz qulaqlığın tək şarjda 24 saat istifadə imkanı təklif etdiyinini bildirir. Suya, yağışa və tərə davamlı olan bu qulaqlıq iOS və Android cihazlarla problemsiz olaraq işləyə bilir. Hal-hazırda isə qulaqlıq Amazon e-ticarət səhifəsində 35% endirim edilmiş qiymətə 64$ və ya 109 manata təklif olunur.
Xiaomi Redmi Buds 3 Pro
Çin Texnologiya nəhəngi olan Xiaomi tərəfindən 2021-ci ildə təqdim edilmiş Xiaomi Redmi Buds 3 Pro modeli 2 rəngdə: boz və qara rənglərdə təklif olunur. Qulaqlığın ən önəmli xüsusiyyəti ANC funksiyasının ətraf səsləri 35dB-ə dək azaltmasıdır. Həmçinin qulaqlıq 10 dəqiqəlik şarj ilə 3 saat istifadə müddəti vədd edir. Həmçinin qulaqlıq ümumilikdə 28 saat istifadə müddəti gətirir. OnePlus Buds Pro modelində olduğu kimi bu qulaqlıqda da eyni anda 2 cihaza qoşulma xüsusiyyəti mövcuddur. Hal-hazırda isə qulaqlıq Amazon e-ticarət səhifəsində 52.99$ və ya 90 manata təklif olunur. Stokları isə limitli saydadır. Mütəmadi olaraq yenilənməsi üçün yoxlaya bilərsiniz.
Nəticə nədir?
Siyamızdakı 5 ən yaxşı qulaqlıq arasında ən çox sevilən modellər təxmin edə biləcəyimiz kimi stokları yenilənsə Apple AirPods 2 və ya Samsung Galaxy Buds Live True naqilsiz qulaqlıqlarıdır. Fikrimizcə, burada ən yaxşı seçim sizin istifadə etdiyiniz cihazdan asılı olaraq dəyişir. Əgər siz iPhone və ya iPad məhsulları istifadə edirsinizsə Apple AirPods 2 qulaqlığını, əgər Android cihazı istifadə edirsinizsə Samsung Galaxy Buds Live True qulaqlığını seçməyiniz məntiqli olacaq. Qyed edək ki, hər 5 modeli Amazon səhifəsindən əldə edərkən 300$ gömrük limitini keçmədiyiniz üçün gömrük rüsumundan azad edilirsiz. Məhsulların ölkəmizə gətirilmə xərcləri isə istifadə etdiyiniz karqo xidmətindən asılı olaraq 3-5$ arasında dəyişəcək.
