Yer planetinin ən önəmli hissələrindən biri olan nüvəsi barədə araşdırma aparılıb. Nəticədə isə məlum olub ki, yer planetinin qaynar lavalara malik olan nüvəsi yavaş-yavaş səthə doğru sızır. Belə ki, bu barədə Nature jurnalında dərc olunan yeni araşdırmada bəhs olunub. Tədiqatçılar Kanadanın Arktika arxipelaqında böyük qara kütlə hesab olunan Vaffin adasını aşkar edib. Alimlərin indiyə qədər Yer kürəsində tapdıqları lavanın tərkibində bir neçə izotop mövcuddur.
Tədqiqatlar göstərir ki, lava axınları Yerin nüvəsindən gələ bilər. Belə ki, aşkar edilən helium-3, helium-4 və digər izotoplar da bu iddianı təsdiqləyir. Hələlik dəqiq məlumat olmasa da, alimlərə görə yer planetinin nüvəsi yavaş-yavaş səthə doğru sızır. Təbii ki, bunun heç də faydalı tərəfi yoxdur. Çünki, planetin nüvəsi onun varlığının ən başlıca səbəbidir. Burada olan izotoplar və ya digər elementlər planetin müəyyən cazibə qüvvəsinə sahib olmasını təmin edir.
Ümumiyyətlə helium-3 çox nadir element hesab olunur. Kainatdakı helium-3 izotopunun bir çox hissəsinin tarixi 13.8 milyard il əvvələ qədər uzanır. Məhz yer planeti illər əvvəl meydana gəldikdə də bu element nüvənin tərkibinə daxil olub. İndi alimlərin tədqiq etdiyi lava axınlarında müşahidə olunan helium-3 səviyyəsinə nəzər saldıqda, axının Yer planetinin mərkəzindən olduğunu aşkar etmək mümkündür. Əslində vaiffin adasının süxurlarından bu elementlərin olması heç də yeni xəbər deyil. Lakin alimlər daha əvvəl helium-3 elementinin səviyyəsini müəyyən etmişdilər. İndi isə onun səviyyəsi əvvəlki ilə müqayisədə xeyli artıb. Bu isə onu sübut edir ki, nüvədən səthə doğru kilometrlər boyu uzanan nəhng helium-3 tərkibli lava axını mövcuddur.
