Yaponiya Rəqəmsal Məsələlər Naziri Karo Tono, nəhayət bəzi ərizə və sənədlərin CD, mini disk və hətta disket kimi köhnə fiziki mediada təqdim edilməsi tələbini aradan qaldıraraq, yaponların həyatı biraz daha asanlaşdıracaq qərar verib.
Karo Tono, 2022-ci ilin sonuna qədər bu köhnəlmiş texnologiyaları keçmişə çevirmək arzusunu açıqlamışdı. Lakin müxtəlif departamentləri müəssisələrdən köhnəlmiş fiziki media haqqında məlumat vermələrini tələb etməsi işləri yubatmışdı. Beləliklə, çətinliklər yavaş-yavaş geridə qalmağa başlayıb. Bu təşəbbüsü ilk dəstəkləyənlər arasında İqtisadiyyat, Ticarət və Sənaye Nazirliyi yer alıb. Yaponiya daxilində nazirliklər cari təqvim ilindən sonra məlumatların disket ilə göndərilməsini artıq tələb etməyəcək. “CD”-lərə gəlincə, onlar bəzi prosedurlarda istifadə olunmağa davam edəcəklər.
Bildirilir ki, Karo Tono əməkdaşları müxtəlif dövlət idarələrində hələ də disket və CD-lərdən istifadəni tələb edən təxminən 1900 protokol müəyyən ediblər. Bu cür saxlamalar, xüsusilə ictimai xidmət təminatçıları, dağ-mədən sənayesinin nümayəndələri, təyyarə istehsalçıları və hərbi sektorun nümayəndələri tərəfindən istifadə olunur. Köhnə mediadan tamamilə imtina etmək üçün nə qədər vaxt lazım olacağı hələ məlum deyil.
