Əsasən yenilikçi texnologiyaları ilə məşhur olan Yaponiya daha bir ilkə imza atacaq. Belə ki, Yaponiya turizm və tibb müəssisələri hətta kosmik raketlərə sahib olacaq yeni üzən şəhər inşa edəcək. Dogen City olaraq adlandırılan bu şəhər yapon N-ARK şirkəti tərəfindən inşa edilə bilər. Ümumiyyətyə nəhəng üzən şəhər okean dalğalarına tab gətirəcək və 40 min nəfərə yetəcək qədər enerji, qida və suyu özünə təmin edəcək. Yəni yeni şəhər ətraf mühitdən asılı olmayacaq.
Yeni Dogen City-nin ərazisi 4 km uzunluğunda olacaq. Bundan əlavə şəhərdə sadəcə 10 min yerli sakinin yaşaması planlaşdırılıb. Belə ki, Yaponiya üzən şəhər üçün yeni turizm imkanları yaradacaq. Bununla da yeni inşa ediləcək şəhərdə təxminən 30 min nəfər turist qala biləcək. Üzən şəhərin okenanın ortasında olması bəzi suallar doğurur. Bunlardan ən birincisi məhz Yaponiya sahillərində baş verən tsunamilərdir. Lakin N-ARK şirkəti bildirib ki, yeni üzən şəhər inşa edilərkən bütün bu məqamlar nəzərə alınacaq və bu şəhər tsunamiyə belə tab gətirə biləcək.
Qeyd edək ki, yeni üzən şəhər və ya Dogen City 3 əsas hissədən ibarət olacaq. Bu hissələrdən biri yerli sakinlərin yaşayış məskəni, biri tibbi araşdırma mərkəzləri digəri isə turistlər üçün olacaq. Maraqlısı budur ki, üzən şəhərdə sualtı məlumat mərkəzi də olacaq. Hətta bu şəhərdə insanların ehtiyacı olan hər şey, məktəb, xətəxana, idman kompleksləri, parklar, ofislər, otellər və qida müəssisələri də olacaq. Şirkət bildirir ki, şəhər əhalisi illik 2 milyon litr su istehlak edə biləcək. Həmçinin illik 3288 ton zibil, 7000 ton qida və 22265 min kVt enerji də istehlak olunacaqlar arasındadır. Yaponiya 2030-cu ilə qədər üzən şəhər layihəsini bitirməyə çalışacaq.
