Bu ilin iyul ayında Səudiyyə Ərəbistanda inşa edilən məşhur “The Line” layihəsi barədə məlumat vermişdik. Belə ki, Səudiyyə Ərəbistanın vəliəhd şahzadəsi Məhəmməd bin Salman Əl Səud tərəfindən, adətən Misir Piramidalarını kölgədə qoymaq üçün bu layihənin təməli atılmışdı. 2021-ci ilin yanvar ayında nümayiş etdirilən bu layihəyə tam olaraq 1 trilyon dollar vəsait ayrılıb. Uyğun olaraq 2030-cu ilə qədər tamamlanması gözlənilən 2 hündür divar arasındakı “şəhər” 170 Km uzunluğunda və 488 metr hündürlüyündə olmalıdır. Layihə ilə bağlı yeni gələn məlumatlara görə Səudiyyə Ərəbistanda Mirror (The) Line layihəsinin tikintisi artıq başlayıb.
1 trillyon dollarlıq “The Line” layihəsinin tikintisi sürətlə irəliləyir
Avstraliyanın Soar Earth şirkəti, Sudiyyə Ərəbistanın “The Line” layihəsi ilə əlaqədar peyk görüntülərini dərc edib. Görüntülərə görə layihənin sahildən başlayaraq səhra və dağlıq ərazilərdə paralel şəkildə uzanan fantastik tikilisinin təməl qazıntıları artıq atılıb. Bəzi mühəndislər layihənin 2030-cu ilə qədər tamamlanmasının mümkünsüz olduğunu desələr də ayrılan qüvvənin o qədər çox olduğu bildirilir ki, indiyə qədər təqribən 26 milyon kubmetr torpaq və qaya qazıldığı ehtimal edilir. Qərbdən başlayaraq 5 km ərazidə təqribi 650-dən çox tikinti maşını, 425 torpaq daşıyan maşın işləyir. Tikinti əsasən qərb ucundan fokuslanaraq inşa edilməyə başlansa da, 60 km uzaqdakı şərq uclarından da paralel olaraq təməl qazıntıları davam edir.
Soar Earth şirkətinin baş direktoru və qurucusu Amir Fərhand görüntülər nəzərən belə bir açıqlama verib:
Bu layihənin hər bir hissəsində yerin relyefi tamamilə başdan hazırlanır. Bəzi şeylər ətraf mühiti əbədi və qaytarılmayacaq şəkildə dəyişəcək. Əsas məsələ budur ki, “çeynəyə bildikləri qədər dişləyiblər“?
Mütəxəssislərin ən çox qorxduğu şey olduqca hündür və uzun layihənin köçəri quşlar və səhradakı canlılara təhlükə yaratmasıdır. Çünki, 170 km uzunluğunda 2 paralel divarı aşmaq səhra canlıları üçün mümkünsüzə yaxındır. Digər bir tərəfdən çöldən güzgü kimi görünən divarlar da quşların kütləvi ölümünə səbəb ola bilər. Buna baxmayaraq ortaya çıxan iddialara görə “The Line” layihəsinin inşasının planlanıldığı dövrdə problem çıxaran sakinlər belə güllələnərək öldürülüb.
Nəticədə nə çətinliklə olur-olsun Neom şəhərinin bir parçası olacaq “The Line” layihəsinin inşasının tamamlanması Səudiyyə Ərəbistan üçün əsas məqsədlərdən çevrilib. Layihə eyni zamanda Neom şəhərinin bir hissəsi olduğu üçün, enerjisini bərpa olunan enerji mənbələrindən alacaq. Layihə daxilində heç bir avtomobil yoluna yer verilməməsi isə hərəkətin məhz sürət qatarları ilə məcburi formada baş tutmasına imkan yaradacaq. Layihənin planına görə 5-9 milyon insanın “The Line” daxilində yaşaması mümkün olacaq. Şəhərin isə süni intellekt əsaslı sistemlə idarə olunması planlaşdırılır.
