Süni intellket texnologiyası inkişaf etdikcə onun tənzimlənməsi daha da vacib olur. Belə ki, texnologiya nəhəngləri ABŞ konqresinin süni intellekt tənzimlənməsi ilə bağlı ABŞ senatorları ilə bağlı qapılar arxasında görüşəcək. Əslində daha əvvəl də ABŞ lideri texnologiya şirkətlərinin rəhbərləri ilə görüş keçirmişdi. Hətta görüşdə Microsoft, Google və OpenAI rəsmiləri iştirak etmişdi. İndi isə vəziyyət biraz daha mürrəkkəbdir. Çünki, ABŞ senatorları yeni süni intellekt qərarı ilə bağlı 20-dən çox texnologiya nəhəngi ilə gizli görüşəcək.
Artıq bir neçə müddətdir ki, ABŞ hökuməti süni intellekt tənzimlənməsi üzərində işləyir. ABŞ senatorları bu mövzuda irəliləyiş əldə edərək süni intellekt nəhəngləri ilə birlikdə bəzi mühüm məqamları müzakirə etmək üçün görüşəcək. Tarixi önəm daşıyan bu görüşdə Tesla və SpaceX şirkətinin baş direktoru Elon Musk, Meta şirkətinin rəhbəri Mark Zuckerberg, Microsoft qurucusu Bill Gates də iştirak edəcək. Bundan əlavə ChatGPT süni intellekt çatbotunun qurucusu olan OpenAI şirkətinin baş direktoru Sam Altman ilə də ayrılıqda görüş təşkil ediləcək. Nəhayət bu görüşdən sonra senatorlar müəyyən fikrə sahib olacaq və süni intellektin tənzimlənməsi üçün zəruri addımları atacaq.
“AI Insight Forums” adlanan görüşdən əvvəl qanunvericilərin tibb, təhsil və milli təhlükəsizlik sahələrində süni intellekt texnologiyasının risklərinə diqqət yetirəcəkləri bildirilib. Xüsusi iclas hər biri 2-3 saat olmaqla 2 sessiyada davam edəcək. Görünən odur ki, ABŞ höküməti bu görüş ilə bütün sual altında olan məqamları aydınlaşdıracaq. Texnologiya liderləri süni intellektin risklərindən tutmuş onun lisenziyalaşdırılmasına, təhsil və tibbdə geniş istifadəsinə qədər bir çox sahələr üzrə fikirlərini bildirəcəklər.
