Son dövrlərdə sürətlə artan və daim təkmilləşən süni intellekt tendensiyası 5 il ərzində dünya enerjisinin 1.5%-ni istehlak edəcək və 1 milyard ton CO2 qazı buraxacaq. Belə ki, süni intellektin hesablama sürətini hər ötən gün artırmaq yarışı gələcəkdə böyük ekoloji problemlərə səbəb ola bilər. Ümumiyyətlə, daha əvvəl süni intellekt çatbotu ChatGPT üçün OpenAI şirkətinin böyük həcmdə sudan istifadə etdiyi xəbəri yayılmışdı. Texnologiya nəhənginin süni intellekt çatbotu hər bir sorğunu emal edə bilmək üçün litrlərlə suyu israf edirdi.
İndi isə tədqiqat şirkəti olan TechInsights bir proqnoz nəşr edərək, süni intellekt sürətləndiricilərinin məlumat mərkəzləri üçün dünyanın yarımkeçirici bazarında dominant olacağını iddia edir. Eyni zamanda, komponentlərin tədarükündə illik artım tempi ən azı 33% olacaq. Hazırda süni intellekt yarımkeçirici sənayesinin inkişafını sürətləndirir və video kartlar bazarda ən populyar məhsuldur. Məhz bu sürətləndiricilər Nvidia şirkətinin son bir neçə ildə gəlirlərini dəfələrlə artırmağı bacarıb. Hətta Nvidia ötən günlərdə Microsoft şirklətini də ötərək dünyanın ən dəyərli şirkəti olmuşdu. Daha sonra isə şirkətin bazar dəyəri əvvəlki vəziyyətinə yəni 3-cü sıraya geriləmişdi.
Tədqiqatçının fikrincə, süni intellekt hər il hesablama gücünü artıracaq və yaxın gələcəkdə enerjinin ən böyük istehlakçılarından birinə çevriləcək. Tесhlensights-a görə, yaxın 5 ildə süni intellekt, dünya enerjisinin 1,5%-dən çox enerji sərf edəcək. Eyni zamanda, emissiyalar artacaq. Belə ki, bu dövr ərzində sistemlərin təxminən 1,1 milyard ton karbon qazı emissiya edəcəyi gözlənilir. Bu miqdarda emissiyaları udmaq üçün ən çoxu 50 milyard ağac lazımdır.
