14 yaşlı uşağın intiharına görə Character.AI süni intellekt çatbotunu günahlandıran ana, süni intellekt şirkətini məhkəməyə verib. Beləliklə, süni intellekt ilk dəfə bir cinayət və ya ölüm ilə məhkəmədə təqsirləndiriləcək.
ABŞ-ın Orlando şəhərində baş verən hadisədə 9-cu sinifdə oxuyan 14 yaşlı Sewell Setzer III intihar edib. Gəncin ailəsi bu intihara görə “Character.AI adlı süni intellekt”-in məsuliyyət daşıdığını iddia edir. Hətta ananın sözlərinə görə, oğlu süni intellekt çatbotları ilə danışmağa başlayandan bəri özünü təcrid edib. İddiaya görə, Setzer Character.AI-ın rol oynama proqramındakı botlarla, xüsusən də “Dany” adlı botla emosional bağ qurub. Davamında isə ona davamlı olaraq mesaj göndərməyə başlayıb.
Vaxt keçdikcə bu vəziyyət onu real dünyadan uzaqlaşdırmağa başlayıb. Maraqlısı budur ki, Setzer, intihar düşüncələrini Dany adlı bu çatbota etiraf edib, hətta ölümündən az əvvələ qədər botla mesajlaşmağa davam edib. Character.AI isə artıq oxşar vəziyyətlərin təkrarlanmaması üçün tədbir görüb. Şirkətdən verilən açıqlamada, xidmət şərtlərini pozan söhbətlərlə bağlı “təkmilləşdirilmiş aşkarlama, cavab və müdaxilə” kimi xüsusiyyətlər üzərində işlədiyini və istifadəçi bir saat söhbətdə qaldıqda bildiriş göndərdiyini bildirib. Süni intellekt əsaslı çatbotlar son dövrlərdə bazar payı ən çox genişləyən sahələr arasındadır. Digər tərəfdən, bir çatbot çox vaxt insanlara xoş gələn cavablar vermək üçün yaradılır və bu botlarla qurulan “dostluqların” insanların psixi sağlamlığına təsiri çox öyrənilməmiş bir sahədir. Lakin, yenə də süni intellekt hazırda bir uşağın ölümündə günahkar hesab olunur.
