Snake oyunu ilk dəfə Nokia 6110 telefonuna 1997-ci ildə əlavə edildi və tezliklə qlobal bir fenomenə çevrildi. Dünyaca məşhur ilan oyunu 1997-ci ildə buraxıldıqdan sonra, milyonlarla insan tərəfindən sevilərək oynanılıb. Ona görə də bu Snake oyununun adı gəldikə Nokia telefonları, Nokia adı gəldikdə isə Snake oyunu yada düşür.
Snake oyununun bu gün 25 yaşı tamam olur. Oyun mütəxəssi William Cox-a snake oyununun 25 ildən sonra hələ də necə fenomenliyini qoruduğu soruşulub . William Cox isə öz cavabında, snake oyununun bu qədər fenomen olmasının səbəbini oyunda uduzduqdan sonra yenidən başlamaq istəyindən qaynaqlandığın deyə bildirib. Əlavə olaraq oyunda insanların öz rekordlarını yeniləmək istəyi və daim dostları ilə bu oyun üzərindən rəqabət aparması oyun üzərində psixoloji təsiri artırıb deyə fikirlər də mövcuddur.
Snake oyunu ilk dəfə 1976-cı ildə hazırlanıb!
Snake konsepsiyası ilk olaraq 1976-cı ildə video oyun şirkəti Gremlin Interactive tərəfindən Blockade adlı iki oyunçulu “arcade” oyunu olaraq yaradılmışdır. İllər sonra bir neçə yeniləmə keçirən oyun Snake adı ilə, Finlandiya şirkəti Nokia tərəfindən 6110 modelinə gətirildi və Grain Armanto tərəfindən proqramlaşdırıldı. Snake oyununun kodu C proqramlaşdırma dilində yazılmışdır.
Snake daha çox tək oyunçulu oyunu kimi tanınsa da, bluetooth funksiyası ilə 2 nəfər tərəfində də oynanıla bilirdi. Lakin oyunun bu versiyası çox da geniş yayılmayıb. Oyunun məqsədi, ilanı yeməyə doğru hərəkət etdirmək və sonra quyruğunun ucuna bir piksel əlavə edərək uzunluğunu artırmaqdır. Yemək yeyəndə isə qutunun yeni yerində fərqli yemək parçası görünəcək, böyüyən ilan isə quyruğuna (versiyaya görə dəyişə bilər) və qutunun divarına toxunmamalıdır.
Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u da ziyarət etməyi məsləhət görərdik. Snake oyununun 25 ildir hələ də öz şöhrətini qoruması barədə siz nə düşünürsünüz? Fikirlərinizi aşağıdakı şərh bölməsində bizimlə bölüşə bilərsiniz.
