Yəqin ki, çoxları NASA tərəfindən ötən may ayında paylaşılan qara dəliyin səsini eşitməyib. Həmin qara dəlik yerdən təqribi 200 milyon işıq ili uzaqlıda yerləşən Persey qalaktika klasterində yerləşir. Təqribi 20 ilə yaxındır üzərində tədqiqatlar aparılan qara dəlik uzun müddətdir diqqət mərkəzindədir. Belə ki, Chandra X-ray Rəsədxanasından tədqiq edilən səslər xüsusi üsulla qeydə alınıb. NASA alimləri qara dəliyin səsini qeydə almaq üçün yayılan dalğaları səs notları ilə əvəz ediblər. Nəticədə “Do” notundan 57 oktava aşağı olan səslər, sonifikasiya (astronomik məlumatların səslərə çevrilməsi) metodu ilə insanların eşidə biləcəyi səviyyəyə qədər yaxşılaşdırılıb.
Qara dəliyin səsi yox, “remixi” olaraq adlandırılan videodan bəzi detallar paylaşılıb
Aşağıdakı tvitdəki videoya qulaq asdıqda bu səslərin elə düşündüyünüz kimi vahiməli olduğunu eşidəcəksiniz. Astronomlər qeyd edir ki, 10 il əvvəl Persey qalaktika klasterinin boşluğa bənzəyən iç hissəsindən dalğalar yayıldığını kəşf ediblər. Bu dalğalar ətrafa doğru qaz kütlələri şəklində yayılıblar. Qara dəliyin səsi vakuum kimi bir mühitdə yayıla bilməyəcəyi üçün məhz həmin yayılan dalğalardan səs əldə edilməsinə qərar verilib.
Lakin bu səs dalğaları normal eşitdiyimiz səs dalğaları kimi yerə çata bilmədiyindən, NASA səsi “remix” edilmiş musiqi kimi düzəltməyə başlayıb. Astronomik məlumatların səslərə çevrilməsi metodu ilə qeydə alınan dalğalar səs notlarına çevrilsə də dinlədiyiniz səslər birbaşa olaraq qara dəliyin öz səsi hesab edilə bilməz. Çünki, səslər bizim eşitdiyimiz formaya gələnə qədər müxtəlif filterlərdən, effektlərdən və toplanmış köhnə datalarla müqayisə prosesindən keçirilib. 57-58 oktavalıq yüksək səsləri belə təmiz eşitməyiniz üçün kifayət deyil. Ona görə də NASA Exoplanets rəsmi tviter səhifəsi eşitdiyiniz “musiqini” qara dəliyin səsi əvəzinə “remixi” deyə adlandırmaq qərarı alıb.
