Rockstar tərəfindən hazırlanmış GTA seriyasına aid sonuncu oyunun təqdim edilməsindən 9 ilə yaxın müddət keçib. Aydındır ki, söhbət 2013-cü ildə təqdim edilən Grand Theft Auto V oyunundan gedir. O vaxtdan bəri daim yeniləmə alaraq inkişaf etdirilən oyun indiyə qədər şirkətə təqribi 6 milyard dolların üzərində gəlir qazandırıb. 9 il keçməsinə baxmayaraq oyun hələ də öz populyarlığını qoruyub şirkətə qazanc gətirdiyi üçün yeni GTA oyununu başlatmaq təbii ki, Rockstar firmasına sərf etməyəcək. Lakin nə olur olsun əvvəl-axır yeni GTA seriyasının davamı çıxmalıdır. Firma ötən saatlarda növbəti GTA oyunu ilə bağlı nəhayət rəsmi açıqlama paylaşıb.
Rockstar, digər oyunlardakı qaynaqları növbəti GTA oyunu üçün ayırıb
Rockstargames rəsmi səhifəsinin xəbər kanalı üzərindən 7 iyul tarixində GTA və Red Dead oyunlarındakı yeniliklə bağlı məlumat xarakterli yazı paylaşılıb. Şirkət Red Dead Redemption oyununun onlayn versiyasındakı qaynaqları növbəti GTA oyununun hazırlanmasına köçürüldüyünü bildirib. Belə ki, bununla birlikdə növbəti GTA oyunu və ya GTA 6-nın inkişaf mərhələsində olduğu rəsmi olaraq təsdiqlənib. Red Dead Online oyununu oynayırsınızsa verilən dəstəyin xeyli zəifləyəcəyini bilməlisiniz. Hətta xəbərdə qeyd edildiyindən çıxarılan nəticəyə görə Rockstar şirkəti ötən illərdən başlayaraq qaynaqlarını növbəti GTA oyununa ötürməyə çoxdan başlayıb. Qaynaq dedikdə isə əsasən oyunu hazırlayana işçi qüvvəsi nəzərdə tutulur.
Rockstar Games tərəfindən növbəti GTA 6 barədə verilən açıqlama:
Ötən illər ərzində oyunçuların gözləntilərini hər zaman olduğundan daha çox anlamağa çalışmışıq. Növbəti hazırlayacağımız oyunun ən yaxşı olması üçün Grand Theft Auto seriyasının gələcək oyununa daha çox qaynaq ayırmaq qərarı almışıq. Ona görə də Red Dead Online oyununa verilən dəstəklə bağlı müəyyən dəyişikliklər etmişik.
Ehtimallara görə ən gec qarşıdakı 2 il ərzində növbəti GTA oyunu yayımlanacaq. Saxta olduğunu düşündüyümüz sızıntılar isə oyunun 2023-cü ilin sonları və ya 2024-cü ilin əvvəlləri anons ediləcəyini deyir. Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u ziyarət etməyi unutmayın.
