Nasa tarixdə ilk dəfə ictimaiyyət üçün hazırlanan konfransda UFO görüntülərini paylaşaraq onların varlığını etiraf edib. Ümumiyyətlə UFO və ya Unidentified Flying Object barəsində uzunmüddətdir ki, insanlar iddialar irəli sürür. Bəziləri ortaya çıxan UFO görüntülərinin montaj, bəziləri isə real olduğuna inanırdı. Maraqlısı budur ki, bütün bu iddialara səssiz qalan Nasa ilk dəfə UFO yəni naməlum uçan obyekt barədə açıqlama verib. Qeyd edək ki, Nasa şirkətinin təşkil etdiyi konfrans artıq 1 ildir UFO ilə bağlı araşdırma aparan qrupun əldə etdikləri nəticələrin elan edilməsi məqsədi ilə həyata keçiriləcəkdi. Müxtəlif sahələrdən olan 16 nəfər mütəxəssisdən ibarət olan bu qrup təxminən 1 il UFO iddialarını araşdırıblar.
Nasa şirkətinin UFO araşdırması üçün qurduğu qrupun komissiya sədri David Spergel ilk öncə bildirib ki, hal-hazırda daha keyfiyyətli məlumatlara ehtiyacımız var. Daha sonra isə Nasa ilk dəfə olaraq əldə etdikləri UFO görüntülərini ictimaiyyət ilə paylaşıb. Ümumiyyətlə mütəxəssislər bildiriblər ki, onlar ötən 1 il ərzində hər ay təxminən 50-100 yeni iddia ilə qarşılaşıblar və onları araşdırıblar. Ümumiyyətlə Nasa bildirib ki, UFO-ların mövcudluğu qəbul edilsə belə, onlar illərdir təsvir edilən “yadplanetlilər” kimi olmayacaq. Ümumi olaraq isə Nasa bizim planetimizdən fərqli planetlərdə yaşam olduğunu gizlətmədiyini bildirib.
Qeyd edək ki, Nasa şəffaflığı təmin etmək üçün konfransı canlı olaraq yayıb. Belə ki, 4 saat davam edən konfransda ən maraqlı məqam Nasa tədqiqat qrupunun UFO görüntülərini paylaşması olub. Görüntülər keyfiyyətsiz olsa da, bunların UFO olduğu təkzib edilmir.
