NASA yeni Nancy Grace Roman teleskopunu SpaceX şirkətinin Falcon Heavy raketi ilə kosmosa göndərəcək. Yeni məlumata görə, NASA kosmik agentliyi SpaceX ilə “NASA Launch Services (NLS) II” adlı müqavilə imzalayıb. Müqavilə kosmik teleskop missiyasını həyata keçirmək üçün nəzərdə tutulub.
Nancy Grace Roman üçün NLS II müqaviləsi
NLS II müqaviləsi qeyri-müəyyən təchizat və xidmət göstərilməsinin təmin edilməsi ilə bağlıdır. NASA kosmik agentliyinin Nancy Grace Roman teleskopu üçün olan ümumi xərci 255 milyon dollar təşkil edir. Bu məbləğə kosmik missiya ilə bağlı və digər xərclər daxildir. Roman teleskopu ilə bağlı missiya hal-hazırda 2026-ci ilə planlaşdırılır. Teleskop SpaceX şirkətinin Falcon Heavy raketi ilə NASA-nın Florida ştatında yerləşən kosmik mərkəzində starta hazırlanacaq. Uçuş kompleksi “39A” olacaq.
Teleskopun elmi proqramına nə daxil olacaq?
Nancy Greys Roman teleskopunun elmi proqramına xüsusi araşdırmalar daxil olacaq. Hansılar ki, daha öncə kosmologiyada həllini tapmamış nəzəriyyələr araşdırılacaq. Bu araşdırmalara qaranlıq enerjinin və qara maddənin təsiri, həmçinin ekzoplanetlərin tədqiqatları daxildir. Roman kosmik missiyasına həmçinin ümumi tədqiqat proqramı da daxildir. Digər elmi məqsədlərə nail olmaq üçün astrofiziki hadisələrin daha yaxşı öyrənilməsinə imkan yaranacaq.
NASA agentliyinin Roman teleskopu daha öncə Wide Field InfraRed Survey Telescope (WFIRST) adı altında tanınırdı. Lakin bir müddət sonra teleskop görkəmli Nensi Greys Roman adlı doktorun şərəfinə dəyişdirilib. Qeyd edək ki, doktor Roman adı onun böyük teleskoplar ilə bağlı gördüyü işlərə görə teleskopa verilib.
Nensi Qreys Roman (16 may 1925 – 25 dekabr 2018) ulduzların təsnifatı və hərəkətinə mühüm töhfələr vermiş amerikalı astronom olub. Roman NASA-nın kosmik astronomiya proqramını yaratmışdır və “Hubble” kosmik teleskopunun planlaşdırılmasında əsas roluna görə bir çoxları tərəfindən “Habblın Anası” kimi tanınır.
