Bildiyimiz kimi, Las Vegas Strip-in şərqində yerləşən Sphere multimedia media arenası texnoloji möcüzə hesab olunur. Daha əvvəl bu ekranlarda video yaratmaq üçün 18K Big Sky kameralar ehtiyac olduğu ilə bağlı xəbərlər ortaya çıxmışdı. İndi isə Las Vegas Sphere ekranlarının işləməsi üçün tələb olunanlar barədə yeni bir məlumat ortaya çıxıb. Belə ki, Las Vegas Sphere 400GB/s ötürmə qabiliyyətini təmin edən 4000TB SSD yaddaş tələb olunur.
Habelə, Hitachi Vantara proqram təminatı həm daxili, həm də xarici ekranlara ultra yüksək dəqiqlikli məzmunu ötürməyə imkan verir. Ümumiyyətlə, Sphere haqqında hər şey ən qabaqcıl texnologiyalara əsaslanır. Hitachi Vantara onun proqram texnologiyasının necə emal etdiyini və Sphere-nin orijinal və immersiv məzmununu həm 160,000 kvadrat metrlik daxili LED displeyə, həm də 580,000 kvadrat metrlik Exosphere-ə çatdırmağa necə kömək etdiyi ətraflı izah edib. Hitachi-nin “yüksək performanslı, proqram təminatı ilə müəyyən edilmiş, paylanmış paralel fayl sistemi saxlama həlli” kimi təsvir etdiyi Hitachi Content Software for File bu əməliyyatların ayrılmaz tərkib hissəsidir. Qeyd edək ki, bu sistem, Sphere daxilində video təqdim etmək üçün 4 Petabayt və ya 4000TB SSD yaddaşa malikdir.
Sistem real vaxt rejimində məzmunu hər biri saniyədə 60 kadr sürətlə 4K video yayımlayan 7thSense media serverlərinə ötürür. Məhz, bu miqyasda texnologiya imkanlarına görə Sphere dünyada bir ilkdir. Hitachi Vantara Məhsul Meneceri Oktavian Tanase, bildirib ki, “Sphere yeni, tam immersiv və vizual olaraq güclü əyləncə təcrübəsini təmsil edir”. Misla üçün bildirək ki, Darren Aronofsky-nin “Yerdən Postcard” filmi üçün bant genişliyi 5 millisaniyədən az gecikmə ilə saniyədə 400 GB-dan çox sürətə çatmalıdır.
