Tibb tarixində görünməmiş bir hadisə baş verib. Belə ki, aralarında 12 min km-dən çox məsafə olan Küveyt-dən Braziliya-da robot cərrahiyəsi həyata keçirilib. Küveyt-də bir cərrah Braziliy-ada bir xəstəyə uçuş belə etmədən, onun olduğu yerdən əməliyyat edib. Bu qeyri-adi əməliyyat tarixə robot cərrahiyyəsində dünya rekordu kimi daxil olub.
Ginnesin Rekordlar Kitabında qeyd edildiyi kimi, Küveytdəki Cabir Əl-Əhməd Xəstəxanası ilə Braziliyadakı Kruz Vermelha Xəstəxanasını birləşdirən əməliyyatda cərrahla xəstə arasındakı məsafə tam olaraq 12.034.92 kilometr idi. Bu, həm də robot cərrahiyyəsi tarixində indiyə qədər qeydə alınan ən uzun məsafədir. Nailiyyəti həqiqətən diqqətəlayiq edən təkcə məsafə deyil, həm də onun həyata keçirildiyi yaxın real vaxt dəqiqliyidir. Qabaqcıl və təhlükəsiz beynəlxalq şəbəkə üzərindən təmin edilən əlaqə sayəsində gecikmə orta hesabla 199 millisaniyə, bant genişliyi 80 Mbps və məlumat itkisi cəmi 0.19% olaraq ölçüldü. Bu performans cərrahlara əməliyyat zamanı heç bir gecikmə yaşamadan işləməyə imkan verib.
Bundan əlavə, əməliyyatlar birtərəfli deyildi. Əvvəlcə Küveytdəki cərrahlar Braziliyada bir xəstə üzərində əməliyyat keçirdilər, sonra isə Braziliya komandası Küveytdə bir xəstə üzərində əməliyyat apardı. Beləliklə, ikitərəfli, qitələrarası robot cərrahiyyəsinin praktik olaraq mümkün olduğu sübut edilib. Hər iki əməliyyat qasıq yırtıqları üçün TAPP (transabdominal preperitoneal) metodu ilə həyata keçirildi və heç bir ağırlaşma yaşanmadı. Əməliyyatlar Dr. Sulaiman Almazeedi, Dr. Marcelo Loureiro, Dr. Mohannad Alhaddad, Dr. Ahmed Karim, Dr. Hmoud Alrashidi və Dr. Leandro Totti Cavazzola da daxil olmaqla mütəxəssis cərrahlar tərəfindən həyata keçirilib. Bu tarixi nailiyyət həmçinin Ginnesin Rekordlar Kitabı tərəfindən rəsmi olaraq tanınıb. Mütəxəssislərin fikrincə, bu inkişaf mütəxəssis cərrah çatışmazlığı yaşayan bölgələrdə həyat qurtaracaq, beynəlxalq tibbi əməkdaşlığı sürətləndirəcək və qlobal miqyasda qabaqcıl cərrahiyyəyə çıxışı artıracaq.
