Bildiyimiz kimi, küləkdən enerji əldə etməyi bir neçə müxtəlif üsulu mövcuddur. Belə ki, ənənəvi olaraq küləkdən enerji əldə etmək üçün 3 qanadlı külək turbinlərindən istifadə oluna da, artıq bir çox şirkət çoxlu turbinlərdən ibarət olan yeni texnologiya hazırlayır. Qeyd edək ki, artıq bir neçə şirkət nəhəng külək divarı ilə ənənəvi külək turbinlərindən imtina etməyə hazırlaşır.
![külək divarı](https://tedroid.com/media/2024/07/kulek-divari-yenilik-enerji-1.webp)
Bərpa olunan enerjinin əhəmiyyəti artarkən, şirkətlər müxtəlif üsullardan istifadə edərək ən səmərəli şəkildə elektrik enerjisi istehsal etməyə çalışırlar. Belə ki, Norveç mərkəzli Wind Catching Systems (WCS) çox turbinli dizayn əsasında üzən külək elektrik stansiyası olaraq təyin etdiyi Windcatcher sistemini inkişaf etdirir. WCS CEO-su Ole Heggheim tərəfindən verilən açıqlamaya görə, Windcatcher-in ən böyük modeli təxminən 300 metr yüksəklikdə və 350 metr enində olacaq. Buna görə də nəhəng platforma 1 MVt gücündə 126 turbindən ibarət olacaq.
![külək divarı](https://tedroid.com/media/2024/07/kulek-divari-yenilik-enerji.webp)
Qlobal təsnifat təşkilatı DNV-dən təsdiq alan şirkət, ilk kommersiya tətbiqinə yaxınlaşdıqlarını bildirir. Məlumatlara görə, bu kiçik turbinlər ənənəvi üç qanadlı turbin dizaynı ilə müqayisədə külək axınının hər kvadrat metri üçün 2,5 dəfə çox enerji istehsal edə bilir. Hər bir qurğu elektrik enerjisini şəbəkəyə ötürən mərkəzi yarımstansiyaya qoşulub. Bu platformanın yaşıl hidrogen istehsal potensialı da qiymətləndirilir. WCS hazırda Norveçin İqlim və Ətraf Mühit Nazirliyinin Enova fondundan 2023-cü ilin fevralında təhvil verilmiş 900.000 dollarlıq investisiyanın köməyi ilə Windcatcher dizaynının prototipini qurur. Şirkətin investorları arasında General Motors və GM Ventures var. Daha səmərəli istehsalla yanaşı, Windcatcher və ya külək divarı sistemi üzən külək enerjisinin dəyərini hər MVt üçün 43-65 dollara endirməyi hədəfləyir.