Bildiyimiz kimi, son dövrlərdə Flipper Zero və bənzəri alətlərə görə dünyada avtomobil oğurluğunun sayı əhəmiyyətli səviyyədə artıb. Habelə, Kanada indi artan avtomobil oğurluğuna görə Flipper Zero ilə açıq şəkildə mübarizə edəcək. Maraqlısı budur ki, oğurluq hadisələri əsasən elektrik mühərrikli avtomobillərin başına gəlir. Hətta Tesla brendinin ən vacib avtomobillərindən biri olan Model S son illərdə bir çox oğurluq hadisəsində qurban seçilib.
Kanada dünyada artan avtomobil oğurluğuna görə Flipper Zero ilə mübarizə aparacağını elan edib. Ümumiyyətlə avtomobil bazarında böyük dəyişikliklərə səbəb olan Tesla Model S-in açarının yaydığı siqnalı Flipper Zero və bənzəri cihazlar aşkar edir. Məhz həmin siqnalı kopyalayaraq avtomobili asanlıqla açmaq üçün istifadə etmək oğurluq hadisələrində baş verən əsas haldır. Qeyd edək ki, bu hal bütün açarsız işə salma funksiyası ilə təchiz edilən avtomobillər üçün keçərlidir. Hətta artıq bu vəziyyətin qarşısını almaq üçün açarın yaydığı siqnalı kəsən xüsusi qurğulardan istifadə edənlər də mövcuddur.
Hazırda Flipper Zero ilə ən çox avtomobil oğurluğu hadisələri Kanada-da baş verir. Qeyd edək ki, Flipper Zero radio rabitəsini, cihazlar arasında əlaqəni tutmaq, onu analiz etmək və siqnalda dəyişiklik etmək üçün istifadə edilir. 200 dollarlıq qiymət etiketi ilə satışa çıxarılan bu cihaz artıq minlərlə sifariş əldə edib. Kanada İnnovasiya, Elm və İqtisadi İnkişaf Agentliyi bu mövzuda etdiyi şərhdə bildirib ki, Flipper Zero kimi açarsız giriş üçün istifadə edilən sistemlərin siqnallarını kopyalayaraq avtomobil oğurluğuna vasitəçilik edən cihazları qadağan etmək üçün bütün yolları izləyəcəklər və hüquq-mühafizə orqanları ilə əməkdaşlıq edərək bu cihazların Kanada bazarından çıxarılmasını təmin edəcəklər. Görünən odur ki, Kanada ciddi şəkildə bu cihazların qarşısını almaq üçün əlindən gələni edəcək.
