Aprelin 2-də Azərbaycan Respublikası İqtisadiyyat Nazirliyinin tabeliyindəki Dördüncü Sənaye İnqilabının Təhlili və Koordinasiya Mərkəzi (4SİM), StrategEast şirkəti, Avropa Yenidənqurma və İnkişaf Bankı (AYİB) və Bakı Ali Neft Məktəbi (BANM) 4-cü sənaye inqilabı sahəsində əmək və karyera sərgisini təşkil edir. Tədbir BANM-ın Bayıl korpusunda (2 aprel, saat 15:00) baş tutacaq.
IT HUB Azərbaycan karyera sərgisi ölkənin aparıcı rəqəmsal və texnologiya şirkətlərini bir araya toplayacaq. “Gələcək iş, gələcəyi dəyiş!” devizi ilə keçirilən bu tədbir ölkənin 100-ə yaxın texnologiya və rəqəmsal şirkəti ilə gələcək istetdadların görüşdüyü bir platforma olmağı hədəfləyir.
Karyera sərgisində ölkənin müxtəlif universitetlərində İKT sahəsində təhsilini başa vurmaqda olan sonuncu kurs tələbələri və məzunlar öz profillərinə uyğun iş təklifləri ala biləcəklər.
Qeydiyyat üçün: https://azerbaijan.jobfair.strategeast.org
