Dünyadakı Instagram istifadəçiləri Həssas Məzmun Moderasiyasına baxmayaraq, zorakılıq və narahatedici məzmunla dolu yazılara görə X-dən narahatlıqlarını bildirirlər. Belə ki, Instagram alqoritmindəki mümkün səhvlər və ya xətalar insanların qarşısına daha çox həssas məzmunları çıxarmağa başlayıb.
Bir istifadəçi zorakılıq və narahatedici məzmunla dolu lentlərdən narahatlığını ifadə edərək yazıb: “İnstaqramda bunu başqa kimsə fərq edir? Son bir neçə saat ərzində mənim IG Reels lentim qəfildən şiddətli və ya narahatedici videolar göstərməyə başlayıb. Bunu yaşayan başqa kimsə varmı? Yoxsa onu yaşayan yalnız mənəm? Bu nasazlıqdır, yoxsa qəribə alqoritm dəyişikliyi?”. Habelə, bu tərzdə paylaşımlar edən digər istifadəçilər də eyni halın başlarına gəldiyini vurğulayırlar.
Ümumiyyətlə, Instagram-ın məzmun moderasiyası sistemindəki mümkün nasazlıqlar və ya potensial səhv son dərəcə şiddətli məzmunun internetdə yayılmasının səbəbi ola bilər. Meta məsələ ilə bağlı rəsmi açıqlama verməsə də, sistemdəki nasazlıqlar belə məzmunun filtrdən keçmədən daha geniş auditoriyaya çatmasına səbəb ola bilər. Vocal Media bildirib ki, süni intellekt yazıları həssas məzmun üçün skan edir və onların görünməsini məhdudlaşdırır. Vocal Media-nın məlumatına görə, Instagram-ın son yeniləməsi bəzi həssas və zorakı məzmunların artmasına səbəb ola bilər. The Wall Street Journal-ın əvvəlki araşdırması müəyyən edib ki, Instagram Reels uşaq və yeniyetmə influencerləri izləyən istifadəçilərə daha çox yetişkin insanlar üçün nəzərdə tutulan videoları tövsiyə edəcək.
