Alimlər hidravlik maye ilə işləyən robot meduza hazırlayaraq dünyada bir ilkə imza atıblar. Belə ki, bu yeni batareya sistemi onlara bir çox üstünlüklər təmin etməklə yanaşı, həqiqi heyvanlar kimi hərəkət etməyə imkan verir.
ABŞ-ın Kornell Universitetinin alimləri çox maraqlı araşdırma aparıblar. Bu araşdırma çərçivəsində iki hidravlik maye batareyasından ilham alan robotlar hazırlanıb. Qısaldılmış RFB kimi bu batareyanın kimyəvi reaksiyalar vasitəsilə enerji yaratmaq üçün həll edilmiş elektrolit mayelərini buraxaraq bioloji hərəkətləri təqlid etdiyi də aşkar edilmişdir. Sərgidə nümayiş edilən robot meduza və eləcə də qurd bütün diqqətləri cəlb edib. Alimlərin fikrincə, bu hidravlik batareyanın ən böyük məqsədi enerji mənbəyini maşının gövdəsinə daxil edən maddi enerjidən istifadə etməklə robotların çəkisini və xərclərini azaltmaqdır.
Normalda hidravlik olaraq işləyən bir çox robot var, lakin bu tədqiqat hidravlik mayeni batareya kimi istifadə etməklə yeni imkan yaradır. Belə ki, bu üsul robotun ümumi çəkisini ciddi miqdarda azaldır. RFB-nin iki məqsədi olduğunu söyləmək olar. Sistem üçün lazım olan enerjini təmin etmək və onu hərəkət etdirmək. Bundan əlavə, yeni batareya texnologiyası çəki və qiymətdən əlavə istifadə müddətinə də müsbət təsir göstərir. Əslində araşdırmalar göstərir ki, hidravlik batareya sayəsində robot meduzanın işləmə müddəti 1,5 saata qədər olub. RFB, həmçinin zəng şəklinə salındıqda robotu yuxarıya doğru hərəkət etdirə bilən bir tendona malikdir. Bu isə robot meduza sisteminin həqiqi meduzalara bənzər hərəkəti təmin etdiyini göstərir.
