Nothing Phone (3a)-nın texniki xüsusiyyətləri gözlənilmədən internetə sızdırılıb. Belə ki, məlumata görə yeni smartfon 120Hz ekran, 5000 mAs batareya və 45Vt sürətli şarj ilə təmin ediləcək.
Qeyd edək ki, Nothing, 4 mart 2025-ci ildən yeni Phone (3a) və Phone (3a) Plus modelini elan edəcəyini bildirib. Bu xəbərdən əvvəl isə yeni Phone (3a) və Phone (3a) Plus smartfonlarının bəzi texniki xüsusiyyətləri də internetə sızdırılıb. Nothing Phone (3a) yeni və cəlbedici xüsusiyyətləri ilə təqdim ediləcək. Nothing Phone (3a) 6,8 düymlük FHD+ AMOLED displey və 120Hz adaptiv yeniləmə tezliyi ilə təchiz ediləcək. Habelə, smartfon Snapdragon 7s Gen 3 prosessoru ilə təchiz ediləcək və 12 GB RAM və 256 GB yaddaş təklif edəcək.Android 15 əməliyyat sistemi və Nothing OS 3.1 interfeysi istifadəçilərə sadə və fərdiləşdirilə bilən təcrübə vəd edir. Kamera tərəfində isə 50MP əsas kamera, 8MP ultra geniş bucaq və 50MP telefoto kamera yer alacaq.
Nothing Phone (3a) Plus modelinin isə periskop telefoto kamera ilə gəlməsi gözlənilir. Həmçinin smartfon 5000 mAh batareya həcmi və 45 Vt sürətli enerji doldurma dəstəyinə sahib olacaq. Eyni zamanda 5G, Wi-Fi 6, Bluetooth 5.4 və NFC kimi qoşulma seçimləri də cihaza daxil ediləcək. Sızdırılan mənbələrə görə, fevralın 4-də təqdim olunacaq cihazın məhz Phone (3a) olacağı da bildirilib.
