Kənardan sosial media hesablarımıza baxıldıqda bir çoxumuzun həyatı əyləncə dolu, hüzurlu və olduqca yaxşı görünür. Lakin həyat keyfiyyətimiz bu görüntünün arxasında gizlənir. Həyat keyfiyyətimizi müəyyənləşdirən bir sıra faktorlar mövcuddur. Sosial həyatımız, ətraf mühit faktorları, psixologiya və fiziki sağlamlığımız hamısı birlikdə həyat keyfiyyətimizi müəyyənləşdirir. Bu məsələlərin hər birində ümumi vəziyyətimizi başa düşmək, daha yaxşı bir həyat yaşamaq üçün nə edə biləcəyimizi başa düşməyə kömək edə bilər. Cambridge universiteti tərəfindən hazırlanmış bu test sizə həyat keyfiyyətiniz barəsindəki məsələlərdə kömək edəcək.
Bəs test necə işləyir?
Cambridge universitetinin psixometriya mərkəzindən Dr.Chris Gibbons tərəfindən hazırlanan testdə Ümumdünya Səhiyyə Təşkilatının müəyyən etdiyi meyarlara görə hazırlanmış həyat keyfiyyəti testi olan WHOQOL-100-dən suallar götürülüb. Testdə həyatın müxtəlif sahələri ilə bağlı çoxlu suallar verilir və bu suallara verilən cavablarla həyatınızla bağlı yuxarıda qeyd etdiyimiz sosial, fiziki, psixoloji və ekoloji faktorlar haqqında məlumatlar əldə edilir. Cavablarınızın nəticəsində bu sahələrdəki vəziyyətinizlə bağlı məlumat verilir.
Test nəticəsində hər bir mövzudan alacağınız nəticələrə görə həyat keyfiyyətiniz və onu necə yaxşılaşdırmaq haqqında təsəvvürünüz olacaq. Məsələn, fiziki və ya psixoloji sağlamlıq vəziyyətiniz aşağıdırsa, mütəxəssis həkimlə danışaraq dəstək almaq istəyə bilərsiniz. Yaxud sosial və ya ətraf mühit faktorları üzrə vəziyyətiniz aşağıdırsa, özünüzdən bu problemlərin nə ola biləcəyini və onların necə həll oluna biləcəyini soruşaraq kiçik dəyişikliklər edə bilərsiniz.
Testdən keçmək üçün “concertotest” səhifəsinə keçid edə bilərsiniz. Lakin bildirək ki, test hələ Demo versiyası üzərindən işlədiyindən bəzən yüksək trafik səbəbi ilə sayta daxil olmaq mümkün olmur. Belə bir halla qarşılaşdığınız təqdirdə bir müddət sonra təkrar yoxlayın. Bundan başqa necə xoşbəxt ola biləcəyinizi göstərən süni intellektdən xəbərdar olmaq üçün yazdığımız fərqli bir məqaləyə aşağıdan keçid edə bilərsiniz. Həyat keyfiyyətiniz barədə nəticələrinizi, istəsəniz bizimlə rəylərdə bölüşə bilərsiniz.
