Boydan-boya tikilmiş yeni binalarda və ya ağıllı, yaşıl şəhər layihələrində günəş panellərinin aktiv istifadəsi daim müzakirə olunur. Lakin günəş panellərinin effektivliyinin düşündüyümüz qədər çox olmaması bu prosesin tətbiqində bəzi suallar yaradır. Bir tikilidə günəş panellərinin istifadəsi planlaşdırılırsa, tikilinin bünövrəsi atılmamışdan əvvəl günəş panellərinin quraşdırılacağı nəzərə alınmalıdır. Əks halda xüsusilə damın üzərinə döşənən günəş panelləri şüuaları lazımi bucaq altında qəbul etmədiyi üçün daha az enerji istehsal edir. Əsasən nəhəng tikililərdə dam adladırdığımız hissə əlverişli olmur. Binanın səthi boyu quraşdırılan nəhəng pəncərələr örtük rolunu oynayır və ən çox gün işığı elə həmin pəncərələrə təmas edir. Tədqiqatçılar bu problemə təkmilləşdirilmiş həll yolu hazırlayaraq, pəncərələr üçün ən yüksək effektivliyə malik günəş paneli barədə məlumat veriblər.
Günəş panelli pəncərələr daha əvvəl də hazırlanıb
Bu gün günəş panellərində əsasən silikon tərkibli materiallar işlədilir. Silikon tərkibli materiallar isə qeyri-şəffaf olduğundan pəncələrdə işlədilə bilməz. Bu səbəblə Michigan universitetinin tədqiqatçıları fərqli bir həll yolu ortaya qoymalıdırlar. İllər əvvəl bənzər layihələr üzərində işləyən şirkətlər yetəri qədər enerji toplayan texnologiya hazırlamağı bacarmamışdılar. Digər bir tərəfdən belə panellərin geniş miqyaslı istehsalı mümkün olmamışdı.
Lakin Forrest labaratoriyasındakı tədqiqatçılar 30 ilə qədər davamlı olan və 10% effektivliyə sahib üzvi tərkibli günəş paneli hazırlamağı bacarıblar. Üzvi tərkibli günəş panelinin əsas üstünlüyü pəncərələrdə istifadə etmək üçün yetərincə şəffaf olmasıdır. Panellərin istehsalı üçün isə mikron ölçüdə soyma metodundan istifadə ediləcək və xırda günəş panellərii arasına nazik elektrik bağlantıları əlavə ediləcək.
Joule jurnalında yayımlanmış məqalənin yazarı olan elektrik mühəndisliyi professoru Stephen Forrest bu panelləri 2 kvadrat metr ölçüsündə istehsal edə biləcəklərini bildirir. Beləliklə normal pəncələrdə bu texnologiyanın tətbiq edilməsi üçün demək olar heç bir çətinlik qalmır.
Günəş paneli pəncərələrdəki 2 ədəd şüşənin arasına yerləşdiriləcək şəkildə dizayn edilib. Bilinən mənfi cəhətləri isə adi şüşə ilə müqayisədə 50%-ə yaxın şəffaflığı azaltması və görüntüyə yaşılımtıl rəng qatmasıdır. Michigan universitetinin tədqiqatçıları qarşıdakı bir neçə il ərzində texnologiyanı biraz da yaxşılaşdıraraq bazara çıxarmağı planlaşdırır. Həmin müddət ərzində isə patentləşdirmə və əməkdaşlıqlarla bağlı müəyyən danışıqlar aparılacaq.
