Beləliklə “Tedroid Media”-nın partnyoru olduğu və Azərbaycanda ikinci ən böyük oyun tədbiri olacaq “GameSummit Winter Baku 2023”, 9 Dekabrda Fairmont Flame Towers-da keçiriləcək. Bu tədbir öncəkindən daha maraqli və həyəcanlı olacaq. Həmçinin bu tədbirdə daha çox oyun, kospley, musiqi və oyun və geek mədəniyyətinin bütün izləyiciləri üçün əyləncə gözlənilir. Hər bir ziyarətçi Azərbaycan və beynəlxalq kompüter, konsol və mobil oyunlar dünyasına qoşula biləcək, oyun tərtibatçıları ilə tanış ola biləcək.
Xatırladaq ki, 11 İyun tarixində keçirilən ilk tədbiri 3 minə yaxın adam ziyarət edib və 70-dən çox şirkət, təşkilat və sponsorları cəlb etmişdir. Bu faktlar Gamesummit festivalının yerli oyunçu və geek mədəniyyəti izləyiciləri arasında böyük populyarlığa sahib olduğunu göstərir. Habelə tədbirdə müxtəlif maraqlı və fərqli oyunlar üzrə turnirlər təşkil edilmişdi. Tədbirin yekununda isə ən yaxşı gamerlər seçilmişdi.
9 Dekabr üçün planlaşdırılan yeni Gamesummit tədbirində də oyun çempionatları, kospley müsabiqələri, K-Pop çıxışları, VR zona və oyun, anime və komiks ilə əlaqəli müxtəlif suvenir və aksesuarları almaq imkanı kimi daha çox maraqli tədbirlər və əyləncələr gözlənilir.
Həm də ilk dəfə olaraq bu tədbirdə yerli oyun inkişaf etdiriciləri üçün müsabiqə və ayrıca bir biznes konfransı təşkil olunacaq.
Tədbirlə bağlı suallarınız üçün rəsmi sosial şəbəkələrə müraciət edə bilərsiniz:
