Danimarka Texniki Universiteti və İsveçin Göteborq şəhərindəki Çalmers Texnologiya Universitetinin alimlərindən ibarət qrup fiber optik kabel vasitəsilə saniyədə 1,8 petabit (Pbit/san) və ya saniyədə 1,8 milyon giqabit (Gbit/san) sürətlə məlumat ötürə biliblər. Belə ki, bu rəqəm saniyədə istifadə olunan qlobal internet trafikindən təxminən iki dəfə çoxdur. Həmçinin onların hazırladıqları yeni məlumat ötürmə üsulu əhəmiyyətli dərəcədə az enerji sərf edir. 1.84 Pbit/san-nin əslində nə qədər sürətli olduğunu qiymətləndirmək çətindir. Müqayisə üçün qeyd etmək olar ki, bu sürət NASA kimi təşkilatlar tərəfindən istifadə edilən internetdən 20 dəfə sürətlidir.
Yeni Fiber optik kabelin xüsusiyyətləri nədir?
Alimlər yeni fiber optik kabel ilə 7,9 km məsafəyə 1,84 Pbit/s sürətlə məlumat ötürə biliblər. Belə ki, onlar işıq mənbəyi çoxlu tezliklərdən ibarət göy qurşaq spektrini yaratmaq üçün tək bir infraqırmızı lazerdən gələn işığı istifadə edə bilən xüsusi optik çipdən istifadə ediblər. Beləliklə, tək lazerin tezliyi bir çipdə yüzlərlə fərqli tezliyə çevrilə bilər. Bütün tezliklər bir-birindən müəyyən məsafədə sabitləndiyi üçün onlara tezlik darağı deyilir.
Layihə meneceri Victor Torresdir. O, silikon nitriddən yaradılan tezlik darağının xüsusiyyətlərinin fiber optiklər üzərindən məlumat ötürülməsində istifadə üçün uyğun olduğunu qeyd edib. Lakin Torres onun bəzi xüsusiyyətlərinin dizaynla deyil, təsadüfən əldə edildiyini açıqlasa da, optik çipin əvvəlcə nə üçün nəzərdə tutulduğunun detallarını gizli saxlayıb.
Nəhayət, alimlər yeni fiber optik kabel vasitəsilə 7,9 km məsafədə saniyədə 1,84 petabit sürətlə məlumat ötürməyə nail olublar. Tədqiqatçılar əmindirlər ki, hazırkı nəaliyyət texnologiyanın həddi deyil. Onlar kompüter simulyasiyalarını həyata keçirərək, optik çipin ölçüsünü artırmaqla məlumat ötürmə sürətini saniyədə 100 petabitə qədər artıra biləcəklərini iddia edirlər.
