Hər böyük uğur qazanan startap və ya layihənin uğuruna uğur qatan ən vacib nüans müştərinin bir region yox, bütün dünya olmasıdır. Özünüzü nə qədər qloballaşdırırsınızsa, əhatə dairənizin genişlənməyiniz daha çox gəlir, daha çox insan, daha çox müştəri, daha çox uğur gətirir. Ötən gün əhəmiyyətli dərəcədə böyük investisiya almış WeTravel startapı da buna çox gözəl nümunədir.
Bir “fintech (maliyyə texnologiyaları)” əsaslı startap olan WeTravel, turizm şirkətləri və səyahət təşkilatçıları üçün ödəniş və sifarişlərin həyata keçirilməsini təmin edən onlayn platforması kimi yaradılmışdı. 2014-cü ildə Qərib Mehdiyev, Johannes Koeppel və Zaky Prabowo həmtəsisçisi olduğu WeTravel startapı o vaxtkı adı ilə wetravel.to platforması ilə layihələrinin icrasına başladılar.
2015-ci ildə Azərbaycanda “İnformasiya Texnologiyalarının İnkişafı Dövlət Fondu üçüncü qrant müsabiqəsində” wetravel.to internet səhifələrinin inkişafı, applikasiyalarının ilkin versiyasının formalaşdırılması üçün 18 min manat qrant aldılar. Növbəti illərdə daha da təkmilləşdirilmək üçün startap həmtəsisçilər ilə birlikdə San Fransiskoya, daha sonra Amsterdama köçməli oldular. İsveçrə, Azərbaycan, İndoneziyadan olan həmtəsisçilər qeydlərə görə birlikdə 15 dildə danışa bilmələrinin də hesabına 100-dən çox ölkəni əlçatan etdilər.
WeTravel startapı ən böyük inkişafını 2017-ci ildən başlayaraq 2018-ci ilin sonuna qədər yaşadı. Bu dövrdə B2B sektorunda böyüyən onlayn platforma 2017-ci ildə 15 milyon dollar dəyərindən çox əməliyyat icra etmişdi. 2018-ci ilə çatdıqda isə 1500-dən çox müştəriyə xidmət göstərirdilər. 2019-cu ildə WeTravel San-Fransisko, Hollandiya və Azərbaycanda ofisləri və demək olar bütün dünyaya yayılmış komandası olan qlobal şirkətə çevrilmişdi. Latın Amerikasında böyük müştəri kütləsinə görə, müştərilərin bütün ehtiyaclarını dəstəkləmək üçün Peruda belə yerli komandaları belə mövcud idi. Hətta Ekvador və Argentinada da yerli komandalarla xidmət verirdi.
Bu illər ərzində ötən gün “Techcrunch” tərəfindən verilən məlumata görə 7 milyon dollar investisiya alan startap, ötən gün “Base 10 Partners” və “Swift Ventures” iştirakında keçirilən, “Left Lane Capital” tərəfindən rəhbərlik edilən B seriyasında 27 milyon dollar investisiya aldı. Şirkətin indiki əsas məqsədi fintech sahəsinə olan diqqətini daha da gücləndirmək olacaq. Hal-hazırda tam olaraq 500 000 müştəriyə xidmət göstərən şirkətin COVID pandemiyası sonrası platforma üzərindən əməliyyat həcmini 300%-dək artırıb.
“WeTravel ” həmtəsisçisi Qərib Mehdiyev
“WeTravel ” həmtəsisçisi Zaky Prabowo
“WeTravel ” həmtəsisçisi Johannes Koeppel
