Dünyanın ən böyük aerokosmik şirkətlərindən biri olmağı bacaran SpaceX 2026-cı ilin sonunda Marsa öz Starship gəmisinin ilk pilotsuz buraxılışını etməyi planlaşdırır. Belə ki, Elon Musk, iki ilə ərzində ilk missiyası üçün Marsa Starship göndərəcəyini açıqlayıb.
Qeyd edək ki, Mars missiyaları hər 26 aydan bir baş tutur. Məhz Elon-un söz verdiyi tarix də növbəti mövcud dövr ərzində baş tutacaq. Elon öz X səhifəsində bildirib ki, “Onlar(Starship) Marsa tək parça halında enmə qabiliyyətini sınamaq üçün pilotsuz olacaqlar”. O əlavə edib ki, niş sınağı pilotsuz rejimdə uğurlu olarsa, SpaceX-in Qırmızı Planetə ilk insanlı missiyaları dörd il ərzində həyata keçiriləcək. Bundan sonra Marsa missiyaların sayı eksponent olaraq artacaq və təxminən 20 ildən sonra Qırmızı Planetdə özünü təmin edən bir şəhər qurulacaq.
Bu ilin əvvəlində Musk demişdi ki, ilk pilotsuz Ulduz gəmisi beş il ərzində Marsa, ilk insanların isə yeddi il ərzində planetə enəcək. yun ayında SpaceX, start üçün nəhəng Super Heavy raketindən istifadə edən Starship-in uçuş sınağını keçirmişdi. “SpaceX” şirkəti “Starship” gəmisindən təkcə Mars missiyaları üçün deyil, həm də Aya astronavtların və yüklərin aparılması üçün istifadə etməyi planlaşdırır. Ümumiyyətlə, SpaceX şirkəti sadəcə Marsa layihəsi üzərində çalışmır. Belə ki, şirkət davamlı olaraq Starlink layihəsinin əhatə dairəsini genişlədə bilmək üçün orbitə peyklər buraxır. Hətta hazırda 7 mindən çox peyki orbitlə buraxmağı bacaran şirkət bu rəqəmi nə az, nə çox 40 minə çatdırmaq niyyətindədir. Maraqlısı budur ki, SpaceX peyklərin sayına görə kosmosda rəqibsiz hesab oluna bilər.
