Google, Rusları telefon nömrələrindən istifadə edərək hesab qeydiyyatdan keçirmək imkanından məhrum edib. Exploit adlı mənbə bildirir ki, Google Ruslara qarşı ilk addımı atmağa başlayıb. Belə ki, daha əvvəl müxtəlif sanksiyalar ilə üzləşəcəyi bildirilən Rusiya artıq ilk addımlar ilə qarşılaşır. Beləliklə, Google Rus telefon nömrələri ilə hesabların qeydiyyatını dayandırıb.
Mənbəyə görə, beş müxtəlif rus nömrəsindən Google hesabını qeydiyyatdan keçirmək cəhdlərinin heç biri uğurlu olmayıb. Hər dəfə isə eyni mesaj görünür: “Bu nömrə təsdiq üçün istifadə edilə bilməz”. Hazırda problemin səbəbləri haqqında yalnız fərziyyələr söyləmək olar. Təbii ki, Google rəsmi olaraq açıqlama vermədiyi üçün xətanın səbəblərindən biri də daxil olan şikayətlərə əsasən bir gündən çox davam edən server nasazlığıdır. Həmçinin, Google qeydiyyatı təsdiqləmək üçün SMS kodlarının göndərilməsinə cavabdeh olan şirkətlə müqaviləni dayandırmış ola bilər.
Digər bir məqam isə ABŞ Maliyyə Nazirliyinin sentyabrın 12-də qüvvəyə minmiş sanksiyalarıdır. Lakin yenə də, bu hadisə ilə Google-un hərəkətləri arasında hər hansı bir əlaqə olmaya da bilər. Gazeta.Ru müxbiri kompüterdən qeydiyyatdan keçməyin mümkünsüzlüyünü təsdiqləyib. Belə ki, “Hesabın yaradılmasının bəzi mərhələsində sistem sizdən hərəkətləri telefon nömrəsi ilə təsdiq etməyi xahiş edir, lakin Android smartfonundan qeydiyyatdan keçərkən heç bir problem müşahidə olunmayıb”.
